ପୁଣେ: ବିବାହ କରିବାକୁ ପ୍ରଲୋଭନ ଦେଖାଇ ୧୭ ବର୍ଷୀୟ ଝିଆରୀ ସହ ବାରମ୍ବାର ଦୁଷ୍କର୍ମ କରିଥିବା ଜଣେ ବ୍ୟକ୍ତିଙ୍କୁ ପିମ୍ପରି-ଚିଞ୍ଚ୍ଓ୍ଵାଡ୍ ପୁଲିସ ବୁକ୍ କରିଛି।
Sambad is now on WhatsApp
Join and get latest news updates delivered to you via WhatsApp
ମାମଲାର ତଦନ୍ତ କରୁଥିବା ଦେହୁରୋଡ୍ ଥାନାର ସହକାରୀ ପୁଲିସ ଇନ୍ସ୍ପେକ୍ଟର୍ ତୃପ୍ତି ବୋରାତେ କହନ୍ତି: ପେଟ ଟାଣୁଛି ବୋଲି କହିବାରୁ ଝିଅଟିକୁ ସ୍ଥାନୀୟ ସରକାରୀ ଡାକ୍ତରଖାନାକୁ ନେବା ପରେ ପ୍ରକୃତ ଘଟଣା ଜଣାପଡ଼ିଥିଲା। ସେଠାରେ ସେ ଗୋଟାଏ ସାତ ମାସିଆ ପିଲା ଜନ୍ମ କରିଛି। ଝିଅଟି ନାବାଳିକା ହୋଇଥିବାରୁ ଡାକ୍ତରମାନେ ଏ କଥା ଥାନାରେ ଜଣାଇ ଥିଲେ।
ସେ ବ୍ୟକ୍ତି ଓ ଏକାଦଶ ଶ୍ରେଣୀରେ ପଢୁଥିବା ତାଙ୍କ ଝିଆରୀ ଗୋଟିଏ ଘରେ ରହନ୍ତି। ଅଭିଯୋଗ ଅନୁସାରେ, ପୀଡ଼ିତା ମେ ମାସରୁ ଦୁଷ୍କର୍ମର ସରବ୍ୟ ହୋଇ ଆସୁଛନ୍ତି। ଏ କଥା କାହାକୁ କହିଲେ, ତାକୁ ହତ୍ୟା କରିବେ ବୋଲି କକେଇ ଧମକ ଦେଇ ଆସୁଥିଲେ। ବ୍ୟକ୍ତି ଜଣକ ଝିଅର ବାପାଙ୍କ ଭାଇ ଏବଂ ବିବାହ କରିବାର ପ୍ରତିଶ୍ରୁତି ଦେଇ ସେ ତାଙ୍କ ସହ ବଳପୂର୍ବକ ଦୁଷ୍କର୍ମ କରୁଥିଲେ। ଝିଅଟି ଅଭିଯୁକ୍ତଙ୍କ ସମେତ ଦୁଇ କକେେଇଙ୍କ ସହ ତା’ର ଜେମିମାଙ୍କ ଘରେ ରହୁଛି।
ପୁଲିସ ଅଧିକାରୀ କହନ୍ତି: ଅଭିଯୁକ୍ତ ବିବାହିତ, କିନ୍ତୁ ତାଙ୍କ ସ୍ତ୍ରୀ ତାଙ୍କୁ ଛାଡ଼ି ଚାଲି ଯାଇଛି। ଝିଅର ପିତାମାତା କେଉଁଠି ଅଛନ୍ତି, ତାହା ପୁଲିସ ଜାଣିବାକୁ ଉଦ୍ୟମ କରୁଛି।
ଡିସେମ୍ବର ୨୫ ତାରିଖ ଦିନ ଆଇପିସିର ଧାରା ୩୭୬ ଓ ୫୦୬ ଏବଂ ପୋକ୍ସୋ ଆଇନ୍ ଆଧାରରେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇଛି। ସେବେଠାରୁ ଅଭିଯୁକ୍ତ ଫେରାର ହୋଇ ଯାଇଛନ୍ତି।