ଡାକ୍ତରଙ୍କ ଘରୁ ବ୍ଲାକ ଫଙ୍ଗସର ନକଲି ଔଷଧର ୩,୩୦୦ ବୋତଲ ଜବତ

ନୂଆଦିଲ୍ଲୀ: ଦିଲ୍ଲୀ ପୁଲିସ ବ୍ଲାକ ଫଙ୍ଗସର ନକଲି ଔଷଧ ବିକ୍ରି କରୁଥିବା ଅଭିଯୋଗରେ ୯ଜଣଙ୍କୁ ଗିରଫ କରିଛି। ଏଥିମଧ୍ୟରେ  ଡାକ୍ତର ବି ସାମିଲ ଅଛନ୍ତି। ପୁଲିସ ଉକ୍ତ ଡାକ୍ତରଙ୍କ ଘରୁ ନକଲି ଇନଜେକ୍ସନର ୩,୨୯୩ଟି ବୋତଲ ଜବତ କରିଛି।

ଗିରଫ ହୋଇଥିବା ଡାକ୍ତର ଲିପୋସୋମାଲ ଆମ୍ଫୋଟେରିସିନ-ବି ନାମକ ଇନଜେକସନ ତିଆରି କରୁଥିଲେ। ଯାହାକୁ ବ୍ଲାକ ଫଙ୍ଗସ ଚିକିତ୍ସା ପାଇଁ ବ୍ୟବହାର କରାଯାଉଥିଲା। ଡାକ୍ତର ତାରିଖ ଚାଲି ଯାଇଥିବା ଔଷଧ ସାହାଯ୍ୟର ଏହି ଇନଜେକସନକୁ ତିଆରି କରୁଥିଲେ।

କ୍ରାଇମବ୍ରାଞ୍ଚର ଡେପୁଟି ପୁଲିସ କିମଶନର ମୋନିକା ଭରଦ୍ବାଜଙ୍କ କହିବାନୁସାରେ,  ଏହି ଘଟଣାରେ ସମ୍ପୃକ୍ତ ଥିବା ଉତ୍ତର ପ୍ରଦେଶର ‌ଦେବରିଆରେ ବସବାସ କରୁଥିବା ଡାକ୍ତର ଅଲତାମାସ ହୁସୈନଙ୍କୁ ଗିରଫ କରାଯାାଇଛି। ଡାକ୍ତର ହୁସୈନ ଆମ୍ଫୋଟେରିସିନ-ବିର ଏକ୍ସପାୟର୍ଡ ବୋତଲ କିଣିଥିବା ସ୍ବୀକାର କରିଛନ୍ତି। ଡାକ୍ତରଙ୍କ ଘରୁ ଆମ୍ଫୋଟେରିସିନର ୩,୦୦୦ରୁ ଅଧିକ ବୋତଲ ଜବତ ହୋଇଛି। ଯାଞ୍ଚରୁ ଆମ୍ଫୋଟେରିସିନର ସମସ୍ତ ଇନଜେକସନ ନକଲି ବୋଲି ଜଣାପଡ଼ିଥିଲା।

ତେବେ କୁହାଯାଉଛି କି ଆମ୍ଫୋଟେରିସିନ-ବିର ବ୍ୟବହାର ବ୍ଲାକ ଫଙ୍ଗସ ଚିକିତ୍ସା ପାଇଁ କରାଯାଇଥାଏ। ଏହି ବ୍ଲାକ ଫଙ୍ଗସ ନାକ, ଆଖି ଓ ମସ୍ତିଷ୍କକୁ କ୍ଷତି ପହଞ୍ଚାଇ ଥାଏ। ଏହି ରୋଗ ମଧୁମେହ ରୋଗୀଙ୍କ ପାଇଁ ଅଧିକ ବିପଦ ରହିଥିବା ବେଳେ ଯେଉଁମାନଙ୍କ ରୋଗ ପ୍ରତିରୋଧକଶକ୍ତି କମ ଅଛି ସେମାନଙ୍କୁ ବି କ୍ଷତି ପହଞ୍ଚାଥାଏ। ଏଥିସହିତ କର୍କକ ଓ ଏଚଆଇଭି ଭଳି ରୋଗୀଙ୍କ ପାଇଁ ବି ଏହା ବିପଦ ରହିଛି। ଗତ ମେ ୨୭ ତାରିଖରେ କେନ୍ଦ୍ର ସରକାର ୫ଟି କମ୍ପାନିକୁ ଲିପୋସୋମାଲ ଆମ୍ଫୋଟେରିସିନ-ବି ଇଞ୍ଜେକସନ ଉତ୍ପାଦନ କରିବା ପାଇଁ ଲାଇସେନ୍ସ ପ୍ରଦାନ କରିଛନ୍ତି ।

ସମ୍ବନ୍ଧିତ ଖବର
AdBlock Detected

Looks like you are using an ad-blocking browser extension. We request you to whitelist our website on the ad-blocking extension and refresh your browser to view the content.