୫ ଲକ୍ଷ ଟଙ୍କା ଜବତ କରି ନିଜେ ହଜମ କରିଦେଲେ ହାବିଲଦାର
ନୂଆଦିଲ୍ଲୀ: ଅପରାଧୀଙ୍କଠାରୁ ୫ ଲକ୍ଷ ଟଙ୍କା ଜବତ କଲେ ଆଉ ନିଜେ ଚଳୁ କରିଦେଲେ | ଦିଲ୍ଲୀ ପୁଲିସର ଜଣେ ହାବିଲଦାରଙ୍କ ବିରୋଧରେ ଏଭଳି ଏକ ସଙ୍ଗୀନ ଅଭିଯୋଗ ଆସିଛି | ଅଭିଯୋଗ ମୁତାବକ ଅଗଷ୍ଟ ୬ ତାରିଖ ସନ୍ଧ୍ୟାରେ ଦିଲ୍ଲୀ ହକିକତ ନଗରର ସନ୍ଦୀପ ମାଟା ନାମକ ବ୍ୟକ୍ତି ପାଞ୍ଚ ଲକ୍ଷ ଟଙ୍କା ନେଇ ଯାଉଥିବାବେଳେ ଚାରିଜଣ ଲୁଟେରା ଟଙ୍କା ଭର୍ତ୍ତି ବ୍ୟାଗ ଧରି ପଳାଇ ଯାଇଥିଲେ। ଘଟଣାର କିଛି ଘଣ୍ଟା ପରେ, ଏହି ୪ ଲୁଟେରା ଲାଲକିଲ୍ଲା ଦେଇ ଯାଉଥିବାବେଳେ ହାବିଲଦାର ପବନ ତ୍ୟାଗୀ ଏମାନଙ୍କୁ ଅଟକାଇଥିଲେ | ତେବେ ଦୁଇ ଜଣ ପଳାଇଯିବାରେ ସକ୍ଷମ ହୋଇଥିଲେ | ଆଉ ପବନ ଯେଉଁ ଦୁଇଜଣଙ୍କୁ ଧରିଥିଲେ ସେମାନଙ୍କ ପାଖରୁ ୫ ଲକ୍ଷ ଟଙ୍କା ଜବତ କରି ଉଭୟଙ୍କୁ ବାଇକ ଚୋରି ଅଭିଯୋଗରେ ଥାନାକୁ ପଠାଇ ଦେଇଥିଲେ |
Sambad is now on WhatsApp
Join and get latest news updates delivered to you via WhatsApp
ଦୁଇ ଜଣ ଲୁଟେରା ଟଙ୍କା ଚୋରି କରିଥିବାବେଳେ ପବନ ଏହି ଦୁଇ ଚୋରଙ୍କୁ ଅନ୍ୟ ଏକ କେଶରେ ଫସାଇ ଥାନାକୁ ସୂଚନା ଦେଇଥିଲେ | ତେବେ ଦୁଇ ଦିନ ତଳେ ଯେତେବେଳେ ଅନ୍ୟ ଏକ ଚୋରି ମାମଲାରେ ଫେରାର ଦୁଇ ଅଭିଯୁକ୍ତଙ୍କୁ ଦିଲ୍ଲୀ ସ୍ପେଶାଲ ସ୍କ୍ୱାର୍ଡ ଗିରଫ କରିଥିଲା ସେତେବେଳେ ସେମାନେ ସବୁ କିଛି ବଖାଣିଥିଲେ | ଆଉ ଅଗଷ୍ଟ ୬ ତାରିଖରେ ଚୋରି କରିଥିବା ଟଙ୍କା ବାବଦରେ ସେମାନେ କିଛି ଜାଣିନଥିବା କହିଥିଲେ |
ଏହା ପରେ ପୁଲିସ ଅଧିକାରୀ ଅନୁସନ୍ଧାନ କରିବାରୁ ହାବିଲଦାର ପବନ ତ୍ୟାଗୀ ଚୋରି ହୋଇଥିବା ୫ ଲକ୍ଷ ଟଙ୍କା ନିଜ ପାଖରେ ରଖିଥିବାର ଜଣାପଡିଥିଲା | ତେବେ ପବନ ଏହାକୁ ଅସ୍ବୀକାର କରିଥିବାବେଳେ ସିସିଟିଭି କ୍ୟାମେରାରେ କିନ୍ତୁ ଟଙ୍କା ଭର୍ତ୍ତି ବ୍ୟାଗ ନେଇ ପବନ ଯାଉଥିବାର ସ୍ପଷ୍ଟ ହୋଇଥିଲା | ଆଉ ଏହା ପରେ ହାବିଲଦାରଙ୍କୁ ଗିରଫ କରାଯାଇଛି |