ଅପହୃତ ୫ ବର୍ଷର ଛାତ୍ର ଉଦ୍ଧାର ହେଲା ,ଜଣେ ଅପହରଣକାରୀର ପ୍ରାଣ ଗଲା
ନୂଆଦିଲ୍ଲୀ: ଗତମାସରେ ଦୁଇ ଜଣ ମୁଖା ପିନ୍ଧା ଲୋକ ପୂର୍ବ ଦିଲ୍ଲୀରେ ଏକ ସ୍କୁଲ ବସର ଡ୍ରାଇଭରଙ୍କ ଉପରକୁ ଗୁଳି ଚଳାଇ ସେଥିରେ ଥିବା ଜଣେ ଛାତ୍ରକୁ ଅପହରଣ କରି ନେଇଥିଲେ । ସେହି ସ୍କୁଲ ବସରେ ପ୍ରାୟ ୨୦ ଜଣ ଛାତ୍ରଛାତ୍ରୀ ଥିଲେ । ଅନ୍ୟ ଛାତ୍ରମାନେ ଠିକ୍ ଥିଲେ। ସେହି ଦୁଇ ମୁଖା ପିନ୍ଧା ଲୋକ ମୋଟର ସାଇକେଲରେ ଆସିଥିଲେ ।
ଅପହୃତ ୫ ବର୍ଷର ବାଳକକୁ ପୁଲିସ ଉଦ୍ଧାର କରିବାରେ ସଫଳ ହୋଇଥିବା ଜଣାଯାଇଛି । ଗାଜିଆବାଦଠାରେ ପୁଲିସ ସହିତ ସେହି ଅପହରଣକାରୀ ଗୁଳି ବିନିମୟ କରିବା ବେଳେ ଜଣେ ଅପହରଣକାରୀର ମୃତ୍ୟୁ ଘଟିଥିଲା । ସେହି ଲୋକଟିର ଏକ ହସ୍ପିଟାଲରେ ମୃତ୍ୟୁ ହୋଇଥିବା ଜଣାଯାଇଛି । ଅନ୍ୟ ଦୁଇ ଜଣଙ୍କ ଗୋଡରେ ଗୁଳି ବାଜିଛି ଓ ସେମାନେ ଗୁରୁତର ଆହତ ହୋଇଥିବା ପୁଲିସ ପକ୍ଷରୁ ସୂଚନା ଦିଆଯାଇଛି ।
ଉଦ୍ଧାର ହୋଇଥିବା ବାଳକକୁ ତାଙ୍କର ପିତାମାତାଙ୍କୁ ହସ୍ତାନ୍ତର କରାଯାଇଥିବା ଜଣାଯାଇଛି । ତେବେ ଡାକ୍ତର ଉକ୍ତ ବାଳକକୁ ବିଶ୍ରାମ ଦେବା ପାଇଁ ପରାମର୍ଶ ଦେଇଛନ୍ତି । ଷ୍ଟାଣ୍ଡାର୍ଡ ଓ୍ଵାନ୍ରେ ପଢୁଥିବା ସେହି ବାଳକର ଏକ ଆଠ ବର୍ଷୀୟା ଭଉଣୀ ମଧ୍ୟ ଅଛି, ଯେଉଁମାନେ ପିତାମାତାଙ୍କ ପାଖରେ ରହୁଛି ।
Sambad is now on WhatsApp
Join and get latest news updates delivered to you via WhatsApp
ଏହାପରେ ସୂଚନାଯୋଗ୍ୟ ଯେ ଏହି ଅପହରଣ ଘଟଣା ସକାଳ ପ୍ରାୟ ସାଢେ ୭ଟା ବେଳେ ଘଟିଥିଲା, ଯେତେବେଳେ ଛାତ୍ରଛାତ୍ରୀମାନେ ସ୍କୁଲକୁ ବସ୍ରେ ଯାଉଥିଲେ । ତେବେ ଅପହରଣର କାରଣ ଏବେ ବି ଅସ୍ପଷ୍ଟ ରହିଛି।