ଭୁବନେଶ୍ବର: ରେଳବାଇ ଥାନା ପୁଲିସ ୬ ଜଣ ଲୁଟେରାଙ୍କୁ ଗିରଫ କରିଛି। ସେମାନେ ହେଲେ ଗଞ୍ଜାମ ଜିଲ୍ଲା ହିଞ୍ଜିଳିକାଟୁର ମଙ୍ଗୁଳି ବେହେରା, କଟକ ଜିଲ୍ଲା ଖୁଣ୍ଟୁଣୀର ବାବୁ ଦାସ, ପୁରୀ ଜିଲ୍ଲା ଡେଲାଙ୍ଗର ରଂଜନ ସୁନ୍ଦରାୟ, କେନ୍ଦ୍ରାପଡ଼ା ଟାଉନ ଥାନା ଅଧୀନ ମାଳପାଟଣାର ଜିତେନ୍ଦ୍ର ମଲ୍ଲିକ, କେନ୍ଦ୍ରାପଡ଼ା ଜିଲ୍ଲା ନିକିରେଇର ଅଶୋକ କୁମାର ପାତ୍ର ଓ ଢେଙ୍କନାଳର ରାଜେଶ ରାଉତ। ଆଜି ସମସ୍ତଙ୍କୁ କୋର୍ଟ ଚାଲାଣ କରାଯାଇଛି। ଏହି ଲୁଟେରାମାନେ ଗତକାଲି ରେଳ ଷ୍ଟେସନରେ ଯାତ୍ରୀମାନଙ୍କଠାରୁ ଲୁଟପାଟ ଚଳାଇଥିଲେ। ରେଳବାଇ ଥାନା ଇନ୍ସପେକ୍ଟର ଭରତ ସାହୁଙ୍କ ନେତୃତ୍ବରେ ଏକ ଟିମ୍‌ ବିଭିନ୍ନ ସ୍ଥାନରେ ଚଢ଼ଉ କରି ଅଭିଯୁକ୍ତମାନଙ୍କୁ ଗିରଫ କରିବା ସହିତ ସେମାନଙ୍କଠାରୁ ଚୋରି ସାମଗ୍ରୀ ଜବତ କରିଛି।