ଦୁଇ ଝିଅଙ୍କୁ ହତ୍ୟା ଉଦ୍ୟମ କରି ଜେଲ୍ ଯାଇଥିଲା ବାପା, ଅଦାଲତରେ ଦଣ୍ଡ ଶୁଣାଣି ସମୟରେ ଅସଲ ଦୋଷୀକୁ ସାମ୍ନାକୁ ଆଣିଲା ବଡ଼ ଝିଅର ବୟାନ
ନୂଆଦିଲ୍ଲୀ : ନୂଆଦିଲ୍ଲୀରେ ଜଣେ ଯୁବକଙ୍କୁ ନିଜର ଦୁଇ ଝିଅଙ୍କୁ ହତ୍ୟା କରିବା ଉଦ୍ୟମ ପାଇଁ ଗିରଫ କରାଯାଇଥିଲା । ଦୁଇ ଜଣଙ୍କ ମଧ୍ୟରୁ ସାନ ଝିଅ ମୃତ୍ୟୁବରଣ କରିଥିବା ବେଳେ ବଡ଼ ଝିଅ ନୂଆ ଜୀବନ ପାଇବା ସହ ନିଜ ବାପାଙ୍କ ଉପରେ ଲାଗିଥିବା ମିଥ୍ୟା ଆରୋପକୁ ହଟାଇଥିଲା । ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଅଦାଲତରେ ଦଣ୍ଡ ଶୁଣାଣି ସମୟରେ ବଡ଼ ଝିଅ ସେଠାକୁ ଯାଇ ପ୍ରକୃତ ଦୋଷୀ ତାଙ୍କ ବାପା ନୁହନ୍ତି ବରଂ ତାଙ୍କ ଆଈ ଥିଲେ ବୋଲି କହିଥିଲେ । ଯାହା ପରେ ଅଭିଯୁକ୍ତ ବୃଦ୍ଧାଙ୍କୁ ଆଜୀବନ କାରାଦଣ୍ଡ ଦିଆ ଯାଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରୁକ୍ସାନା ଏବଂ ମୁସ୍କାନ ନିଜ ମା’ଙ୍କ ସହ ଆଈ ନୂର୍ଜାହାଁଙ୍କ ସହ ରହୁଥିବା ବେଳେ ତାଙ୍କ ବାପା ଉତ୍ତରପ୍ରଦେଶରେ ରହୁଥିଲେ । ଝିଅର ଦୁଇ ଝିଅ ହୋଇଥିବାରୁ ପସନ୍ଦ କରୁ ନଥିଲେ ନୁର୍ଜାହାଁ । ଏହା ପରେ ସେ ରୁକ୍ସାନା ଏବଂ ମୁସ୍କାନଙ୍କୁ ଆଲୁମିନିୟମ୍ ଫସ୍ଫଏଡ୍ ଥିବା କଳା ରଙ୍ଗର ବଟିକା ଖାଇବାକୁ ଦେଇଥିଲେ । ବଟିକା ଖାଇବା ପରେ ଦୁହେଁ ଅଚେତ୍ ହେବା ସହ ଡ଼ାକ୍ତରଖାନାରେ ରୁକ୍ସାନା ଶେଷ ନିଶ୍ୱାସ ତ୍ୟାଗ କରିଥିଲେ । ମୁସ୍କାନଙ୍କ ହୋସ ଆସିବା ପରେ ତାଙ୍କ ଆଈ ଏବଂ ମା’ ପୁଲିସ ଆଗରେ ବାପାଙ୍କ ନାମ କହିବା ପାଇଁ ଧମକ ଦେଇଥିଲେ । ଫଳରେ ମୁସ୍କାନ ଘଟଣାରେ ନିଜ ବାପାଙ୍କୁ ଦୋଷୀ ବୋଲି ପୁଲିସକୁ କହିଥିଲେ । ବର୍ଷେ ପୂର୍ବରୁ ଏହି ଘଟଣା ଘଟିଥିବା ବେଳେ ବର୍ଷେ ମଧ୍ୟରେ ଅଦାଲତରେ ଅନେକ ଶୁଣାଣି ତାରିଖ ରଖାଯାଇଥିଲା । କିନ୍ତୁ ଶେଷର ମୁସ୍କାନଙ୍କ ବୟାନ ପରେ ସତ ସାମ୍ନାକୁ ଆସିବା ସହ ପ୍ରକୃତ ଦୋଷୀକୁ ଦଣ୍ଡ ମିଳିଥିବା ଜଣାପଡ଼ିଛି ।