ଘର ପାଖରେ ଖେଳୁଥିବା ନାବାଳିକାକୁ ଡାକି ନେଇ ପର୍ଣ୍ଣ ଭିଡିଓ ଦେଖାଇବା ସହ ଦୁଷ୍କର୍ମ କଲା ପଡ଼ୋଶୀ
ଗୁରୁଗ୍ରାମ୍ : ଗୁରୁଗ୍ରାମର ସୁଲ୍ତାନପୁରରେ ଘଟିଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଜଣେ ଯୁବକ ଖେଳିବା ବାହାନାରେ ଡ଼ାକି ପଡ଼ୋଶୀ ଘରେ ରହୁଥିବା ୮ବର୍ଷୀୟ ନାବାଳିକା ସହ ଦୁଷ୍କର୍ମ କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏହି ଘଟଣାର ଅଭିଯୋଗ ହେବା ପରେ ଅଭିଯୁକ୍ତ ଜିତେନ୍ଦରକୁ ପୁଲିସ ଗିରଫ କରି ନେଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତୃତୀୟ ଶ୍ରେଣୀରେ ପଢ଼ୁଥିବା ପୀଡ଼ିତା ସ୍କୁଲରୁ ଆସି ଘର ବାହାରେ ଖେଳୁଥିବା ବେଳେ ଜିତେନ୍ଦର ପୀଡ଼ିତାଙ୍କୁ ନିଜ ଘରକୁ ଡ଼ାକିଥିଲେ । ପୀଡ଼ିତା ଘର ଭିତରକୁ ଯିବା ପରେ ଜିତେନ୍ଦର ଅଶ୍ଲୀଳ ଭିଡ଼ିଓ ଦେଖାଇବା ସହ ପୀଡ଼ିତାଙ୍କ ସହ ଦୁଷ୍କର୍ମ କରିଥିଲେ । ଦୁଷ୍କର୍ମ ଭଳି ଅପରାଧ କରିବା ପରେ କିଛି ସମୟ ପାଇଁ ଅଭିଯୁକ୍ତ ବାଥ୍ରୁମ୍କୁ ଯାଇଥିବା ବେଳେ ପୀଡ଼ିତା ସେଠାରୁ ଖସି ଆସିବା ସହ ନିଜ ମାତା-ପିତାଙ୍କୁ ପୂରା ଘଟଣା ବିଷୟରେ ଜଣାଇଥିଲେ । ଘଟଣା ବିଷୟରେ ଜାଣିବା ପରେ ପରିବାର ଲୋକେ ପୁଲିସ ଷ୍ଟେସନରେ ପହଞ୍ଚିବା ସହ ଦୁଷ୍କର୍ମର ଅଭିଯୋଗ କରିଥିଲେ । ଯାହା ପରେ ଅଭିଯୁକ୍ତକୁ ଚିହ୍ନଟ କରି ଗିରଫ କରିଥିଲା ଗୁରୁଗ୍ରାମ ପୁଲିସ ।