୧୦ବର୍ଷିୟ ନାବାଳିକା ସହ ଦୁଷ୍କର୍ମ କରି ଗିରଫ ହେଲେ ୯୯ବର୍ଷିୟ ଅବସରପ୍ରାପ୍ତ ପ୍ରଧାନଶିକ୍ଷକ
ଚେନ୍ନାଇ : ଚେନ୍ନାଇରେ ଘଟିଥିବା ଏକ ଦୁଷ୍କର୍ମ ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିବା ସହ ଭାବିବା ପାଇଁ ବାଧ୍ୟ କରିଛି । ଜଣେ ୯୯ବର୍ଷିୟ ଅବସରପ୍ରାପ୍ତ ପ୍ରଧାନଶିକ୍ଷକ ୧୦ବର୍ଷିୟ ନାବାଳିକାକୁ ଦୁଷ୍କର୍ମ କରିବା ଘଟଣା ଏବେ ସମସ୍ତଙ୍କ ମନକୁ ଆନ୍ଦୋଳିତ କରିଛି । ସମାଜକୁ ଜ୍ଞାନର ଆଲୋକ ଦେଉଥିବା ଜଣେ ପ୍ରଧାନଶିକ୍ଷକ ଏପରି କିପରି କରି ପାରିଲେ ସେ ପ୍ରଶ୍ନ ଏବେ ସମସ୍ତଙ୍କ ମନରେ । ସୂଚନା ମୁତାବକ,ଦୁଇ ବର୍ଷ ହେବ ପୀଡ଼ିତାଙ୍କ ପରିବାର ଲୋକେ ଅଭିଯୁକ୍ତଙ୍କ ଘରେ ଭଡ଼ାରେ ରହି ଆସୁଥିଲେ । କିଛି ଦିନ ତଳେ ପୀଡ଼ିତା ପେଟର ଯନ୍ତ୍ରଣା ବିଷୟରେ ତାଙ୍କ ମା’ଙ୍କୁ ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ହଠାତ୍ କ’ଣ ପାଇଁ ଯନ୍ତ୍ରଣା ହେଲା ତା’ର କାରଣ ଜାଣିବା ପାଇଁ ପୀଡ଼ିତାଙ୍କ ମା’ ତାଙ୍କୁ ହସ୍ପିଟାଲରେ ନେଇ ପହଞ୍ଚିଥିଲେ । ଚିକିତ୍ସା ପରେ ପୀଡ଼ିତାଙ୍କ ସହ ଦୁଷ୍କର୍ମ କରାଯାଇଥିବା ଡ଼ାକ୍ତର କହିବା ପରେ ହତ୍ବାକ ହୋଇ ଯାଇଥିଲେ ପରିବାର ଲୋକେ । ଏହା ପଛର କାରଣ ଜାଣିବା ପାଇଁ ପୀଡ଼ିତାଙ୍କୁ ଏ ନେଇ ପଚରାଯିବା ପରେ ସବୁ ସତ ବାହାହାରକୁ ଆସିଥିଲା । ଘରେ କେହି ନ ଥିବା ବେଳେ ଅଭିଯୁକ୍ତଜଣଙ୍କ ଘରକୁ ଆସି ଦୁଷ୍କର୍ମ କରିବା ସହ ପୀଡ଼ିତା ଛୋଟ ଥିବାରୁ କିଛ ବୁଝି ପାରି ନଥିଲେ । ସବୁ ଜାଣିବା ପରେ ପୀଡ଼ିତାଙ୍କ ପରିବାର ଲୋକେ ପୁଲିସରେ ଅଭିଯୋଗ କରିବା ସହ ଅଭିଯୁକ୍ତକୁ ଗିରଫ କରିଛି ପୁଲିସ ।