ଲକ୍ଷ୍ନୌରେ ୧୧ବର୍ଷୀୟା ନାବାଳିକା ସହ ଦୁଷ୍କର୍ମ ପରେ ହତ୍ୟା କଲେ ଅଭିଯୁକ୍ତ
ଲକ୍ଷ୍ନୌ : କିଛି ଦିନ ତଳେ ଅଲିଗଡ଼ରେ ଜଣେ ୩ବର୍ଷୀୟ ଶିଶୁ ସହ ଦୁଷ୍କର୍ମ ଏବଂ ପରେ ନିର୍ମମ ଭାବେ ହତ୍ୟା କରାଯିବା ଘଟଣାକୁ ନେଇ ସାରା ଦେଶରେ ହାଇ ଚଇ ସୃଷ୍ଟି ହୋଇଥିଲା । ଲୋକମାନେ ଏହି ମାମଲାରେ ସଂପୃକ୍ତ ଥିବା ଅଭିଯୁକ୍ତମାନଙ୍କୁ ଫାଶି ଦଣ୍ଡ ଦିଆଯାଉ ବୋଲି ଦାବି କରିବା ଆରମ୍ଭ କରିଥିଲେ । ତେବେ ଏହି ମାମଲାର ସମାଧାନ ହୋଇ ନଥିବା ବେଳେ ଏବେ ହାମିରପୁର ଜିଲ୍ଲାରେ ପୁଣି ଏକ ଦୁଷ୍କର୍ମ ଏବଂ ହତ୍ୟା ମାମଲା ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
୧୧ବର୍ଷୀୟା ନାବାଳିକା ସହ ଦୁଷ୍କର୍ମ ପରେ ହତ୍ୟା ଏବଂ ପରେ ପାଖ ସ୍ମଶାନରେ ପୋଡ଼ି ଦିଆଯାଇଥିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଏ ନେଇ ପୁଲିସକୁ ସୂଚନା ମିଳିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ମର ଶରୀରର ବ୍ୟବଚ୍ଛେଦ କରିବା ପାଇଁ ବାହାରିଥିଲା । କିନ୍ତୁ ଗାଁ ଲୋକେ ସିବିଆଇ ତଦନ୍ତ ଦାବି କରି ମର ଶରୀରକୁ ଗାଁ ବାହାରକୁ ନେବା ପାଇଁ ଦେଇ ନଥିଲେ । ଜଣେ ବରିଷ୍ଠ ପୁଲିସ ଅଧିକାରୀ ବୁଝାଇବା ପରେ ଗାଁ ଲେକେ ମର ଶରୀରକୁ ବ୍ୟବଚ୍ଛେଦ ପାଇଁ ନେବାକୁ ଦେଇଥିଲେ । ତେବେ ଘଟଣା ପଛରେ କାହାର ହାତ ରହିଛି ତାହା ସ୍ପଷ୍ଟ ହୋଇ ନଥିବା ବେଳେ ପୀଡ଼ିତାଙ୍କ ସହ ଦୁଷ୍କର୍ମ କରାଯିବା ପରେ ହତ୍ୟା କରାଯାଇଥିବା ନେଇ ବ୍ୟବଚ୍ଛେଦ ରିପୋର୍ଟରୁ ସ୍ପଷ୍ଟ ହୋଇଛି ।