ଶାଶୂକୁ ବୋହୂ ବାଡ଼ଉଥିବା ବେଳର ଭିଡିଓ ଭାଇରାଲ୍‌! ଟ୍ଵିଟ୍‌ କରି ନିନ୍ଦା କଲେ ହରିଆଣା ମୁଖ୍ୟମନ୍ତ୍ରୀ, ମାମଲା ରୁଜୁ

ଚଣ୍ଡିଗଡ଼: ହରିଆଣାର ମହେନ୍ଦ୍ରଗଡ଼ ଜିଲ୍ଲାରେ ଦେଖିବାକୁ ମିଳିଛି ଏକ ନିନ୍ଦନୀୟ ଘଟଣା। ସଂପୃକ୍ତ ଅଞ୍ଚଳର ଜଣେ ମହିଳା ତାଙ୍କ ଶାଶୂଙ୍କୁ ବାଡ଼ଉଥିବା ବେଳର ଏକ ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ ହେବା ପରେ ଏହା ଚାରିଆଡ଼େ ଚାଞ୍ଚଲ୍ୟ ସୃଷ୍ଟି କରିଛି।

ଏହି ଭିଡିଓଟି ସୋସିଆଲ୍‌ ମିଡିଆରେ ଘୂରି ବୁଲିବା ପରେ ହରିଆଣା ମୁଖ୍ୟମନ୍ତ୍ରୀ ମନୋହାର ଲାଲ ଖତର ଏଥିରେ ପ୍ରତିକ୍ରିୟା ଦେଇ ଟ୍ଵିଟର୍‌ରେ ଲେଖିଛନ୍ତି ‘ ଏହା ଅତ୍ୟନ୍ତ ନିନ୍ଦନୀୟ ଘଟଣା। ଏକ ଭଦ୍ର ସମାଜରେ ଏପରି ଅଶୋଭନୀୟ ଆଚଣ ଆଦୌ ବି ଗ୍ରହଣୀୟ ନୁହେଁ। ଅଭିଯୁକ୍ତା ମହିଳାଙ୍କ ବିରୋଧରେ ମାମଲା ରୁଜୁ ହୋଇଛି।’

Dear @mlkhattar
This video clip is from Niwaj Nagar village in the subdivision Narnaul of the Mahendragarh District in Haryana filmed by neighbours.This old woman is a proud Ex member of INA and get Rs 30000/- Govt pension who is regularly beaten by her Daughter in law.
Pls help pic.twitter.com/hJLJoMh2hc

— Rishi Bagree ?? (@rishibagree) June 7, 2019

ପୂର୍ବରୁ ଜଣେ ଟ୍ଵିଟର୍‌ ବ୍ୟବହାରକାରୀ ଭିଡିଓଟିକୁ ସେୟାର୍‌ କରି ଲେଖିଥିଲେ, ‘ଏହି ଭିଡିଓଟି ହେଉଛି ହରିଆଣାର ମହେନ୍ଦ୍ରନଗର ଜିଲ୍ଲାର। ଭିଡିଓରେ ମାଡ଼ ଖାଉଥିବା ବୈଜ୍ୟୋଷ୍ଠ ମହିଳା ଜଣକ ହେଉଛନ୍ତି ପୂର୍ବତନ ଆଇଏନ୍‌ଏ ସଦ୍ୟସ୍ୟା। ୩୦ ହଜର ସରକାରୀ ପେନ୍‌ସନ ପାଉଥିବା ଏହି ମହିଳା ଜଣକ ରୀତିମତ ଭାବେ ନିଜ ବୋହୂ ହାତରୁ ମାଡ଼ ଖାଇ ଆସୁଛନ୍ତି।’