କେରଳ ବିମାନ ବନ୍ଦରରେ ଅସଦାଚରଣର ଶିକାର ହେଲେ ଏୟାର ଇଣ୍ଡିଆର ମହିଳା ପାଇଲଟ୍, ଅଭିଯୁକ୍ତକୁ ଗିରଫ କରି ମାମଲା ରୁଜୁ କଲା ପୁଲିସ
ଥିରୁବନନ୍ତପୁରମ୍ : ଏୟାର ଇଣ୍ଡିଆର ଜଣେ ମହିଳା ପାଇଲଟ୍ଙ୍କ ସହ ଅସଦାଚରଣ କରିଥିବାରୁ ଶନିବାର ଜଣେ ଟ୍ୟାକ୍ସି ଚାଳକଙ୍କୁ ଗିରଫ କରି ମାମଲା ରୁଜୁ କରିଛି ପୁଲିସ । ଅଭିଯୁକ୍ତର ନାଁ ଉନିକ୍ରିଷ୍ଣନ୍ ବୋଲି ଚିହ୍ନଟ କରାଯାଇଥିବା ବେଳେ ପୀଡ଼ିତା ଦିଲ୍ଲୀର ବାସିନ୍ଦା ବୋଲି ଜଣା ପଡ଼ିଛି । ପୀଡ଼ିତା ଥିରୁବନନ୍ତପୁରମ୍ ବିମାନ ବନ୍ଦରରେ ଟ୍ୟାକ୍ସିକୁ ଅପେକ୍ଷା କରିଥିବା ସମୟରେ ଅଭିଯୁକ୍ତଜଣଙ୍କ ତାଙ୍କୁ ଅଶାଳୀନ ଭାଷା ବ୍ୟବହାର କରି କମେଣ୍ଟ କରିଥିଲେ । ଏହି ସମୟରେ ଅଭିଯୁକ୍ତ ନିଶାଗ୍ରସ୍ଥ ଥିବା ଜଣା ପଡ଼ିଛି । ବିମାନ ବନ୍ଦରର ମ୍ୟାନେଜର ଏ ନେଇ ପୁଲିସକୁ ଜଣାଇବା ପରେ ଅଭିଯୁକ୍ତକୁ ଗିରଫ କରି ଧାରା ୩୫୪A ଅନୁଯାୟୀ ମାମଲା ରୁଜୁ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତା ଟ୍ୟାକ୍ସିକୁ ଅପେକ୍ଷା କରିଥିବା ସମୟରେ ଅଭିଯୁକ୍ତ ନିଜ ଗାଡ଼ି ଆଣି ପୀଡ଼ିତାଙ୍କ ପାଖରେ ଠିଆ କରିବା ସହ ଅଶାଳୀନ ଭାଷାରେ ଗାଳି ଦେଇ ସେଠାରୁ ଚାଲି ଯାଇଥିଲେ । ଏହି ସମୟରେ ପୀଡ଼ିତା କାର୍ର ରେଜିଷ୍ଟ୍ରେସନ ନମ୍ବର ଦେଖି କଂଗ୍ରେସ ମୁଖ୍ୟ ଶଶି ଥରୁରଙ୍କୁ ନେଇ ବିମାନ ବନ୍ଦରର କର୍ମଚାରୀଙ୍କ ପାଖରେ ପହଞ୍ଚିଥିଲେ । କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରା ନଯିବାରୁ ପୀଡ଼ିତା ସବୁ ଘଟଣା ବିଷୟରେ ବିମାନ ବନ୍ଦରର ମ୍ୟାନେଜରଙ୍କୁ ଜଣାଇଥିଲେ । ବିମାନ ବନ୍ଦରର ମ୍ୟାନେଜର ପୁଲିସକୁ ଜଣାଇବା ପରେ ଅଭିଯୁକ୍ତକୁ ଗିରଫ କରାଯାଇଥିଲା ।