ଲକ୍ଷ୍ନୌ: ଲକ୍ଷ୍ନୌର ବିଜନୋରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଜଣେ ମଦ୍ୟପ ବ୍ୟକ୍ତି ନିକଟସ୍ଥ ଏକ ଶ୍ମଶାନରୁ ମଣିଷ ହାତ ଆଣି  ରାତ୍ରୀ ଭୋଜନ ପାଇଁ ତାଙ୍କ ପତ୍ନୀଙ୍କୁ ରୋଷେଇ କରିବାକୁ ଦେବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ସ୍ବାମୀ ମଣିଷ ହାତ ଆଣି ଦେବା ପରେ ଏହାକୁ ଦେଖି ମହିଳାଜଣଙ୍କ ଡ଼ରରେ ଅଚେତ ହୋଇ ତଳେ ପଡ଼ିଯାଇଥିଲେ। ପରେ ଯେତେବେଳେ ତାଙ୍କର ହୋସ ଆସିଥିଲା, ସେତେବେଳେ ସେ ତୁରନ୍ତ ପୁଲିସକୁ ଡ଼ାକି ନିଜ ସ୍ବାମୀଙ୍କୁ ଗିରଫ କରାଇଥିଲେ ବୋଲି ଜଣା ପଡ଼ିଛି।

Advertisment

Image result for human hand from crematorium, asks wife to cook it Gulf News

ଏହି ବିଚିତ୍ର ଘଟଣା ସାମ୍ନାକୁ ସେତେବେଳେ ଆସିଥିଲା ଯେତେବେଳେ ମହିଳା ଜଣକ ପୁନର୍ବାର ଚେତା ଫେରି ପାଇଥିଲେ ଏବଂ ତାଙ୍କ ସ୍ୱାମୀ ସଞ୍ଜୟ(୩୨)ଙ୍କୁ ମଣିଷ ମାଂସ ରାନ୍ଧୁଥିବାର ଦେଖିଥିଲେ। କଡ଼େଇରେ ମନୁଷ୍ୟର ହାତ ଏବଂ ଆଙ୍ଗୁଠି ଦେଖି ସେ ଭୟଭୀତ ହୋଇଯାଇଥିଲେ। ସ୍ବାମୀଙ୍କ ଏଭଳି କାମ ଦେଖିି ଡ଼ରିଯିବା ସହ ସେ ସଙ୍ଗେ ସଙ୍ଗେ ତାଙ୍କୁ ବାହାର ପଟୁ ତାଲା ପକାଇ ପଡ଼ୋଶୀଙ୍କୁ ଜଣାଇବା ପାଇଁ ଦୌଡ଼ିଥିଲେ। ପଡ଼ୋଶୀଙ୍କୁ ଘଟଣା ବିଷୟରେ ଜଣାଇବା ପରେ ସେ ତୁରନ୍ତ ପୁଲିସକୁ ଡ଼ାକିଥିଲେ। ମହିଳାଙ୍କଠାରୁ ସୂଚନା ପାଇବା ପରେ ପୁଲିସ ଆସି ସଞ୍ଜୟଙ୍କୁ ଗିରଫ କରିଥିଲା ବୋଲି ଜଣା ପଡ଼ିଛି। ପ୍ରାଥମିକ ତଦନ୍ତରୁ ଜଣାପଡ଼ିଛି ‌ଯେ, ସଞ୍ଜୟ ଘର ପାଖରେ ଥିବା ଗଙ୍ଗା ନଦୀ କୂଳର ଶ୍ମଶାନରୁ ମଣିଷ ହାତକୁ ରାନ୍ଧିବା ପାଇଁ ଆଣିଥିଲେ। ଏହା ସହ କିଛି ବର୍ଷ ତଳେ ସେ ନିଜ ବାପାଙ୍କୁ ମଧ୍ୟ ଆକ୍ରମଣ କରିସାରିଥିବା ଜଣା ପଡ଼ିଛି। ତେବେ ପ୍ରତିଦିନ ନିଶା ନେଇ ତାଙ୍କ ମାନସିକ ଅବସ୍ଥା ଖରାପ ହୋଇଯାଇଥିବା ସନ୍ଦେହ କରୁଛି ପୁଲିସ।