ଅଲଓ୍ଵର ଗଣଦୁଷ୍କର୍ମ ପୀଡ଼ିତାଙ୍କୁ ପୁଲିସ କନେଷ୍ଟବଳ ଭାବେ ନିଯୁକ୍ତି ଦେବା ପାଇଁ ଆଦେଶ ଦେଲେ ରାଜସ୍ଥାନ ସରକାର
ଅଲଓ୍ଵର : ରାଜସ୍ଥାନ ସରକାର ଏକ ଐତିହାସିକ ପଦକ୍ଷେପ ନେଇ ପ୍ରଶଂସାର ପାତ୍ର ହୋଇଛନ୍ତି । ଅଲଓ୍ଵରରେ ଯେଉଁ ମହିଳାଙ୍କୁ ତାଙ୍କ ସ୍ୱାମୀଙ୍କ ଆଗରେ ଗଣଦୁଷ୍କର୍ମ କରାଯାଇଥିଲା, ସେହି ମହିଳାଙ୍କୁ ଏବେ ରାଜସ୍ଥାନ ସରକାର କନେଷ୍ଟବଳ ପଦରେ ନିଯୁକ୍ତି ଦେବା ପାଇଁ ଆଦେଶ ଦେଇଥିବା ଜଣାପଡ଼ିଛି । ଅତିରିକ୍ତ ମୁଖ୍ୟ ଗୃହ ସଚିବ ରାଜୀବ ସ୍ୱରୁପଙ୍କ କହିବା ଅନୁଯାୟୀ, ପୀଡ଼ିତାଙ୍କୁ ପୁଲିସ କନେଷ୍ଟବଳ ପଦରେ ନିଯୁକ୍ତି ଦେବା ପାଇଁ ଆଦେଶ ଜାରି କରି ଦିଆଯାଇଛି । ଖୁବ୍ ଶୀଘ୍ର ତାଙ୍କ ପାଖକୁ ନିଯୁକ୍ତି ପତ୍ର ପଠାଇ ଦିଆଯିବ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅପ୍ରେଲ ୨୬ରେ ସ୍ୱାମୀଙ୍କ ସହ ବାଇକ୍ରେ ଯାଉଥିବା ସମୟରେ ଦଳିତ ମହିଳାଙ୍କ ସହ ଅଭିଯୁକ୍ତ ଇନ୍ଦ୍ରରାଜ ଗୁର୍ଜର, ଅଶୋକ ଗୁର୍ଜର, ଛୋଟେଲାଲ ଗୁର୍ଜର, ହଂସରାଜ ଗୁର୍ଜର ଏବଂ ମହେଶ ଗୁର୍ଜର ମିଶି ଗଣଦୁଷ୍କର୍ମ କରିଥିଲେ । ଅଭିଯୁକ୍ତ ମହେଶ ଗୁର୍ଜର ଗଣଦୁଷ୍କର୍ମର ଭିଡିଓ ତିଆରି କରି ସୋସିଆଲ ମିଡିଆରେ ସେୟାର କରିଥିଲେ । ଏହି ଘଟଣା ସମଗ୍ର ଦେଶରେ ଚାଞ୍ଚଲ୍ୟ ଖେଳାଇ ଦେଇଥିଲା।