ଛେପ ଲଗାଇ ମସାଜ କରୁଥିଲେ ସେଲୁନ କର୍ମଚାରୀ, ଗ୍ରାହକଙ୍କ ଅଭିଯୋଗ ପରେ ଉଠାଇ ନେଲା ପୁଲିସ  

ନୂଆଦିଲ୍ଲୀ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଗ୍ରାହକଙ୍କୁ ଛେପ ଲଗାଇ ମସାଜ କରିବା ଘଟଣାରେ ପୁଲିସ ଜଣେ ସେଲୁନ କର୍ମଚାରୀଙ୍କୁ ଗିରଫ କରିଛି।

ଗ୍ରାହକ ଏହି ଘଟଣା ନେଇ ପୁଲିସରେ ଅଭିଯୋଗ କରିଥିଲେ। ଏହି ଅଭିଯୋଗକୁ କେନ୍ଦ୍ର କରି ପୁଲିସ ସେଲୁନରେ ଲାଗିଥିବା ସିସିଟିଭି ଫୁଟେଜ୍ ଯାଞ୍ଚ କରିଥିଲା। ସିସିଟିଭି ଫୁଟେଜ ଆଧାରରେ ଲକ୍ଷ୍ନୌ ପୁଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି। ଗିରଫ ଅଭିଯୁକ୍ତର ନାମ ଜୈଦ ବୋଲି ଜଣାପଡ଼ିଛି।

ଗ୍ରାହକ ସୁଶାନ୍ତ ଗଲ୍ଫ ସିଟି ପୁଲିସ ଷ୍ଟେସନରେ ସେଲୁନ କର୍ମଚାରୀ ଜୈଦଙ୍କ ବିରୋଧରେ ମାମଲା ରୁଜୁ କରି କହିଥିଲେ, ‘ମୁଁ ପ୍ରାୟତଃ ଜୈଦଙ୍କ ସେଲୁନକୁ ମୋର କେଶ ଦାଢ଼ି କାଟିବା ପାଇଁ ଯାଇଥାଏ। ସେଦିନ ବି ଯାଇଥିଲି। କେଶ ଓ ଦାଢ଼ି କାଟି ସାରିବା ପରେ ତାଙ୍କୁ ମସାଜ ପାଇଁ କହିଥିଲି। ଏହି ସମୟରେ ଜୈଦ ତାଙ୍କ ଛେପ ଲଗାଇ ମୋର ମସାଜ  କରୁଥିବା ସନ୍ଦେହ ହୋଇଥିଲ। ମୁଁ ତାଙ୍କୁ କିଛି ନକହି ସିସିଟିଭି ଫୁଟେଜ ଦେଖାଇବାକୁ କହିଥିଲି।

 

What the hell!

Salon worker in Lucknow seen massaging customer’s face with spit. The incident came to light after the customer grew suspicious and insisted on checking the footage. The salon worker, Zaid, was arrested after a complaint was lodged. pic.twitter.com/p7vAmveDl0

— Vani Mehrotra (@vani_mehrotra) June 16, 2024

ଏହି ଫୁଟେଜ ଦେଖିବା ପରେ ମୋ ସନ୍ଦେହ ସତ ପ୍ରମାଣିତ ହୋଇଥିଲା। ଏହାପରେ ମୁଁ ପୁଲିସରେ ଏହି ଘଟଣା ସମ୍ପର୍କରେ ଅଭିଯୋଗ କରିଛି।’