ଅପହରଣକାରୀଙ୍କ ପଞ୍ଝାରୁ ବାହାରି ପୁଲିସ୍ ଷ୍ଟେସନ୍ରେ ପହଞ୍ଚିଲା ୧୨ ବର୍ଷୀୟା ନାବାଳିକା
ବେଙ୍ଗାଲୁର: ବେଙ୍ଗାଲୁରରେ ଜଣେ ୧୨ ବର୍ଷୀୟା ନାବାଳିକା ଅପହରଣକାରୀଙ୍କ କବଳରୁ ଖସି ପୁଲିସ୍ ଷ୍ଟେସନ୍ରେ ପହଞ୍ଚି ଶରଣ ପଶିଛି। ଡିସେମ୍ବର ୩ ତାରିଖରେ ନାବାଳିକା ଜଣକ ପୁଲିସ୍ ଷ୍ଟେସନ୍ରେ ପହଞ୍ଚିବା ପରେ ପୁଲିସ୍ ଏକ ମାମଲା ରୁଜ୍ଜୁ କରିଛି। ବେଙ୍ଗାଲୁର ସିଟି ପୁଲିସ୍ ଏ ସଂପର୍କରେ ଶୁକ୍ରବାର ସକାଳୁ ସୂଚନା ଦେଇଛି। ଅପହରଣକାରୀଙ୍କ ପଞ୍ଝାରୁ ଖସି ନାବାଳିକା ଜଣକ ପୁଲିସ୍ ଷ୍ଟେସନ୍ରେ ପହଞ୍ଚିବା ପରେ ପୁଲିସ୍ ଭାରତୀୟ ପିଙ୍ଗଳ କୋଡର ଧାରା ୩୮୪ ଓ ଧାରା ୩୬୩ ଅଧିନରେ ମାମଲା ରୁଜ୍ଜୁ କରିଛି। ପୁଲିସ୍ ଏଯାବତ୍ କୌଣସି ଅଭିଯୁକ୍ତଙ୍କୁ ଧରି ଗିରଫ କରିଥିବା ସୂଚନା ଦେଇନାହିଁ। ଏହି ଘଟଣାର ତଦନ୍ତ ଆରମ୍ଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ଏହି ଘଟଣା ପୂର୍ବରୁ କର୍ଣ୍ଣାଟକର ରାଜଧାନୀ ବେଙ୍ଗାଲୁରଠାରେ ଆଉ ଏକ ଅପହରଣ ମଧ୍ୟ ହୋଇଥିଲା। ଚଳିତମାସ ଆରମ୍ଭରୁ ଜଣେ ହୋଟେଲ୍ ବ୍ୟବସାୟୀ କର୍ଣ୍ଣାଟକର ରାଜଧାନୀଠାରେ ତାଙ୍କର ଜଣେ ୧୩ ବର୍ଷୀୟ ସଂପର୍କୀୟ ଭାଇଙ୍କୁ ଅପହରଣ କରିବା ପାଇଁ ଏକ ଅପରାଧୀ ଦଳ ସହ ଯୋଗାଯୋଗ କରିଥିଲେ। ଅପହରଣକାରୀମାନେ ବ୍ୟବସାୟୀଙ୍କ ସଂପର୍କୀୟ ନାବାଳକ ଭାଇକୁ ଅପହରଣ କରି ନେଇଥିଲେ। ପରେ ପୁଲିସ୍ ଖୋଜାଖୋଜି କରି ୧୨ ଘଣ୍ଟା ମଧ୍ୟରେ ୧୩ ବର୍ଷୀୟ ନାବାଳକକୁ ଖୋଜି ପାଇବାରେ ସମର୍ଥ ହୋଇଥିଲା।