ନାବାଳକ ଦ୍ବାରା ରାସ୍ତାରେ ଅସଦାଚରଣର ଶିକାର ହେଲେ ୟୁଟୁବ୍ୟର

ନୂଆଦିଲ୍ଲୀ: ବେଙ୍ଗାଲୁରୁର ଜଣେ ୟୁଟ୍ୟୁବର ୧୦ବର୍ଷର ନାବାଳକଙ୍କ ଦ୍ବାରା ଅସଦାଚରଣର ଶିକାର ହୋଇଥିବା ଅଭିଯୋଗ କରିଛନ୍ତି।  

ସୋସିଆଲ ମିଡିଆ ଜରିଆରେ ୟୁଟ୍ୟୁବର ନେହା ବିଶ୍ବାଳ ଅଭିଯୋଗ କରି କହିଛନ୍ତି,ବିଟିଏମ୍ ଲେଆଉଟ୍ ରାସ୍ତାରେ ମୁଁ ଯାଉଥିବା ବେଳେ ଜଣେ ବାଳକ ସେହି ରାସ୍ତାରେ ଆସି ମୋତେ ଚିଡ଼ାଇବା ସହିତ ମୋର ନକଲ କରିଥିଲା। ଏହାପରେ କେହି କିଛି ବୁଝିବା ପୂର୍ବରୁ ସେ ମୋ ଛାତରେ ହାତମାରି ଘଟଣାସ୍ଥଳରୁ ଚାଲି ଯିବାକୁ ଚେଷ୍ଟା କରଥିଲା।

ହି ସମୟରେ ମୁଁ ଧରଧର କହିବାରୁ ସ୍ଥାନୀୟଲୋକେ ବାଳକକୁ କାବୁ କରି ଘଟଣା ବିଷୟରେ ଜାଣିବାକୁ ଚାହିଁଥିଲେ। ମୋ ଠାରୁ ଘଟଣା ବିଷୟରେ ଜାଣିବା ସହିତ ପ୍ରମାଣ ଭାବେ ଭିଡିଓ ଦେଖିବା ପ‌ରେ ସେମାନେ ପୁଲିସରେ ଖବର ଦେଇଥିଲେ। ଖବର ପାଇ ପୁଲିସ ଘଟଣାରସ୍ଥଳରେ ପହଞ୍ଚି ପରିସ୍ଥିତିକୁ ଆୟତ୍ତକୁ ନେଇ ବାଳକଙ୍କୁ ଥାନାକୁ ନେଇ ଯାଇଥିଲା। 

An Instagram user, @nehabiswal120, has reported facing sexual harassment in BTM Layout, Bengaluru. She claims that while she was walking down the street, a boy on a bicycle approached her, greeted her with a "hi," and then inappropriately touched her before quickly fleeing the… pic.twitter.com/R6qXDnVUc8

— Karnataka Portfolio (@karnatakaportf) November 6, 2024

ଏହି ସମୟରେ ବାଳକ ଜଣକ କହିଥିଲା, ‘ମୁଁ ରାସ୍ତାରେ ଯାଉଥିବା ବେଳେ ଅସାବଧାନତାବଶତଃ ମହିଳାଙ୍କ ଉପରେ ପଡ଼ି ଯାଇଥିଲି।’

ପୁଲିସ ଭିଡିଓ ଦେଖିବା ପରେ ବାଳକ ଜଣକ ମିଛ କହୁଥିବା ଜାଣି ଧମକାଇଥିଲା। ଏହାପରେ ବାଳକ ଜଣକ ପୁଲିସ ସାମ୍ନାରେ ନିଜ ଦୋଷ ସ୍ବୀକାର କରିଥିଲା। ପୁଲିସ ଓ କିଛି ସ୍ଥାନୀୟଲୋକଙ୍କ କହିବାନୁସାରେ ନେହା ବାଳକକୁ କ୍ଷମା କରିବା ପରେ ପୁଲିସ ତାକୁ ଛାଡ଼ି ଦେଇଥିଲା।

ଏହି ଘଟଣାକୁ ନେଇ ନେହା ଆଗକୁ କହିଛନ୍ତି, ‘ପ୍ରାୟତଃ  ରାସ୍ତାରେ ଚାଲିଚାଲି ଯିବା ସମୟରେ ମୁଁ ଭିଡିଓ କରିଥାଏ କିନ୍ତୁ ମୋ ସହିତ ଏମିତି ଘଟଣା କେବେ ଘଟି ନଥିଲା। ଏହି ଘଟଣାପରେ ମୁଁ ଭୟଭୀତ ହୋଇଯାଇଛି। ରାସ୍ତାରେ ଏବେ ଚାଲିବାକୁ ନିଜକୁ ସୁରକ୍ଷିତ ମଣୁ ନାହିଁ।’