ଅନ୍ଧବିଶ୍ବାସର ବଶବର୍ତ୍ତୀ ହୋଇ ନିଜର ୭ ଦିନର ନାତୁଣୀକୁ ଜେଜେମାଆ ହତ୍ୟା କରିଥିବା ଅଭିଯୋଗ
ବେଙ୍ଗାଲୁର: ଜଣେ ଜ୍ୟୋତିଷ ଭବିଷ୍ୟବାଣୀ ଉପରେ ବିଶ୍ବାସ କରି ବେଙ୍ଗାଲୁରର ଜଣେ ମହିଳା ନିଜର ୭ ଦିନର ନାତୁଣୀକୁ କାଟି ଦେଇଥିବା ଅଭିଯୋଗ ହୋଇଛି। ମହିଳା ଜଣକ ହେଉଛନ୍ତି ପରମେଶ୍ବରୀ ଏ। ପରମେଶ୍ବରୀ ହେଉଛନ୍ତି ଚିକାବନବରର ମେଦାରହଲିର ବାସିନ୍ଦା।
Sambad is now on WhatsApp
Join and get latest news updates delivered to you via WhatsApp
ଶନିବାର ପୁଲିସ୍ ଅଭିଯୁକ୍ତା ମହିଳାଙ୍କୁ ଗିରଫ କରି ୧୪ ଦିନ ପର୍ଯ୍ୟନ୍ତ ହେପାଜତରେ ରଖିଛି। ମହିଳା ଜଣକ ଅନ୍ଧବିଶ୍ବାସର ବଶବର୍ତ୍ତୀ ହୋଇ ଏପରି କରିଛନ୍ତି। ତାଙ୍କ ପୁଅର ନବଜାତ କନ୍ୟା ସନ୍ତାନ ତାଙ୍କ ପରିବାରର ଆର୍ଥିକ ସମସ୍ୟାର କାରଣ ବନିବ ବୋଲି ଜଣେ ଜ୍ୟୋତିଷ କହିବା ପରେ ମହିଳା ତାଙ୍କ ନାତୁଣୀକୁ ଏପରି ନିର୍ମମ ଭାବେ ହତ୍ୟା କରିଛନ୍ତି।
୨୦୧୮ ମସିହା ଡିସେମ୍ବରରେ ପରମେଶ୍ବରୀଙ୍କ ପୁଅ ତାଙ୍କ ନିଜ ପସନ୍ଦରେ ପ୍ରେମ ବିବାହ କରିଥିଲେ। ଯୁବକ ଜଣକ ନିଜ ଘର ପାଖରେ ଏକ କ୍ଷୀର ବୁଥ୍ ଚଳାନ୍ତି। ପ୍ରଥମରୁ ହିଁ ପରମେଶ୍ବରୀ ଅସନ୍ତୁଷ୍ଟ ଥିଲେ ଯେ ତାଙ୍କ ପୁଅ ତାଙ୍କ ଇଚ୍ଛାରେ ବିବାହ କରି ନଥିଲେ।