ବାପାଙ୍କ ଦେହ ଖରାପ ବୋଲି କହି ଶାଶୁଘରୁ ମହିଳାଙ୍କୁ ନେଇ ଗଲେ ଦୁର୍ବୃତ୍ତ, ୭ଦିନ ବନ୍ଦୀ କରି କଲେ ଗଣଦୁଷ୍କର୍ମ
ପାଟନା : ବିହାରର ନାଳନ୍ଦା ଜିଲ୍ଲାରେ ଜଣେ ମହିଳାଙ୍କୁ ମିଛ କହି ଶାଶୁଘରୁ ଡ଼ାକି ନେବା ଓ ପରେ ୭ଦିନ ବନ୍ଦୀ କରି ଗଣଦୁଷ୍କର୍ମ କରିବା ଭଳି ଖବର ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ପୀଡ଼ିତାଙ୍କ ଏଭଳି ଅଭିଯୋଗ ଆସିବା ପରେ ଏତଲା ଲେଖି ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତାଙ୍କ ଅଭିଯୋଗ ଅନୁଯାୟୀ, ଜୁଲାଇ ୧୬ରେ ପୀଡ଼ିତାଙ୍କ ଜଣେ ସଂପର୍କୀୟ ତାଙ୍କ ଶାଶୁ ଘରକୁ ଆସି ତୁମ ବାପାଙ୍କ ଦେହ ଭୀଷଣ ଖରାପ ବୋଲି କହିଥିଲେ । ଏହା ସହ ମୁଁ ତୁମକୁ ତୁମ ବାପ ଘରେ ଛାଡ଼ିଦେବି ବୋଲି କହି ପୀଡ଼ିତାଙ୍କୁ ଶାଶୁ ଘରୁ ନେଇ ଆସିଥିଲେ । କିନ୍ତୁ ପୀଡ଼ିତାଙ୍କୁ ତାଙ୍କ ବାପଘରେ ଛାଡ଼ିବା ପରିବର୍ତ୍ତେ ଜନଶୂନ୍ୟ ସ୍ଥାନରେ ଥିବା ଏକ ଘରେ ବନ୍ଦୀ କରି ଦେଇଥିଲେ ଅଭିଯୁକ୍ତ । ଏହା ପରେ ଅଭିଯୁକ୍ତ ଅନ୍ୟ ୩ଜଣଙ୍କ ସହ ମିଶି ପୀଡ଼ିତାଙ୍କ ସହ ଗଣଦୁଷ୍କର୍ମ କରିଥିଲେ । ୭ଦିନ ଅଭିଯୁକ୍ତମାନଙ୍କ କବ୍ଜାରେ ରହିବା ପରେ ଜୁଲାଇ ୨୩ରେ ସେଠାରୁ ଖସି ଆସିବାରେ ସଫଳ ହୋଇଥିଲେ ପୀଡ଼ିତା । ପ୍ରଥମେ ସେ ନିଜ ଶାଶୁଘରକୁ ଆସିବା ସହ ପରେ ପୁଲିସରେ ଯାଇ ଏ ନେଇ ଅଭିଯୋଗ କରିଥିଲେ ପୀଡ଼ିତା ।