୧୦ବର୍ଷର ପ୍ରେମ ସଂପର୍କ ପରେ ବିବାହ କରିବାକୁ ଯାଉଥିଲେ ପ୍ରେମୀଯୁଗଳ, ବେଦୀରେ ପ୍ରେମିକା ଅପେକ୍ଷା କରିଥିବା ବେଳେ ଆସିଲାନି ପ୍ରେମିକ
ନାଗପୁର : ୧୦ବର୍ଷର ପ୍ରେମ ସଂପର୍କ ପରେ ବିବାହ ବନ୍ଧନରେ ବାନ୍ଧି ହୋଇ ରହିବାର ସ୍ୱପ୍ନ ଦେଖିଥିଲା ପ୍ରେମିକା। ହାତରେ ମେହେନ୍ଦୀ ଏବଂ ପାଦରେ ଅଳତା ଲଗାଇ ମନର ମଣିଷକୁ ବିବାହ କରିବା ପାଇଁ ପ୍ରେମିକା ନିଜ ସାଥୀର ବାଟକୁ ଚାହିଁ ବସିଥିଲା । କିନ୍ତୁ ଆସିଲା ନାହିଁ ପ୍ରେମିକ । ବେଦୀରେ ଦୁଇ ଘଣ୍ଟା କାଳ ଅପେକ୍ଷା କରି ମଧ୍ୟ ପ୍ରେମିକର କୌଣସି ଖୋଜ୍ ଖବର ମିିଳି ନ ଥିଲା । ଶେଷରେ ବାଧ୍ୟ ହୋଇ ପୀଡ଼ିତାଙ୍କ ପରିବାର ଲୋକେ ପୁଲିସରେ ଏତଲା ଦେଇଥିବା ଜଣାପଡ଼ିଛି । ଏହି ଠକ ପ୍ରେମିକଙ୍କ ନାମ ପ୍ରବୀଣ ବୋଲି ଜଣାଯାଇଛି । ପୀଡ଼ିତାଙ୍କ ମା’ଙ୍କ କହିବା ଅନୁଯାୟୀ, ପ୍ରବୀଣଙ୍କ ମା’ ଜାଣି ଶୁଣି ନିଜ ପୁଅକୁ ଦୂରକୁ ପଠାଇ ଦେଇଛନ୍ତି।ସୂଚନା ମୁତାବକ,ପୀଡ଼ିତା ଏବଂ ପ୍ରବୀଣ ଦୁହେଁ ଦୁହିଁଙ୍କୁ ୧୦ବର୍ଷ ହେବା ଭଲ ପାଇ ଆସୁଥିଲେ ।
Sambad is now on WhatsApp
Join and get latest news updates delivered to you via WhatsApp
୧୦ବର୍ଷର ସଂପର୍କ ପରେ ଯେତେବେଳେ ପୀଡ଼ିତା ବିବାହ କଥା ଉଠାଇଥିଲେ, ପ୍ରବୀଣ ବାହା ହେବା ପାଇଁ ସିଧା ସିଧା ମନା କରି ଦେଇଥିଲେ । ପୀଡ଼ିତାଙ୍କ ପରିବାର ଲୋକେ ଏ ବିଷୟରେ ଜାଣିବା ପରେ ପଞ୍ଚାୟତର ଏକ ବୈଠକ ଡ଼କାଇଥିଲେ । ଯେଉଁଠି ଦୁଇ ଜଣଙ୍କ ବିବାହ କରାଯିବ ବୋଲି ନିଷ୍ପତ୍ତିି ନିଆଯାଇଥିଲା । ବିବାହ ତାରିଖ ମେ ୩ ରଖା ଯାଇଥିବା ବେଳେ ସମସ୍ତଙ୍କୁ ନିମନ୍ତ୍ରଣ କାର୍ଡ଼ ବଣ୍ଟା ସାରିଥିଲା । କିନ୍ତୁ ବିବାହ ଦିନ ମଣ୍ଡପରେ ପହଁଞ୍ଚି ନ ଥିଲା ବର । ଅଭିଯୁକ୍ତଙ୍କର ଏପରି କାମ ପାଇଁ ତାଙ୍କ ମା’ଙ୍କୁ ଦାୟୀ କରାଯାଉଥିବା ବେଳେ ଏ ଘଟଣାକୁ ନେଇ ଏକ ଭିନ୍ନ ମତ ରଖିଛନ୍ତି ପ୍ରବୀଣଙ୍କ ମା’ । ତାଙ୍କ କହିବା ଅନୁଯାୟୀ ମୋ ପୁଅ କ’ଣ ପାଇଁ ଏବଂ କୁଆଡ଼େ ଯାଇଛି ତାହା ମୁଁ ଜାଣି ନାହିଁ । ମୋତେ ବାହାରେ କାମ ଅଛି କହି ସେ ଯାଇଥିଲା । କିନ୍ତୁ ଆଉ ଫେରି ନଥିଲା । ତେବେ ଏ ନେଇ ଏତଲା ଦିଆଯିବା ପରେ ଅଭିଯୁକ୍ତ ପ୍ରବୀଣଙ୍କୁ ଖୋଜିବା ଆରମ୍ଭ କରିଛି ପୁଲିସ ।