ଗୁଜୁରାଟରୁ ଟଙ୍କା ଭର୍ତ୍ତି ଗାଡ଼ି ଜବତ: ଗଣିବା ପାଇଁ ସକାଳୁ ସନ୍ଧ୍ୟା ହୋଇଗଲା
ରାଜସ୍ଥାନ: ରାଜସ୍ଥାନର ଡୁଙ୍ଗରପୁରରେ ପୁଲିସ ଗୁଜରାଟକୁ ଯାଉଥିବା ଏକ ଗାଡିକୁ ଜବତ କରିଥିଲା। ଜବତ ହୋଇଥିବା ଗାଡ଼ିରେ କୋଟି କୋଟି ଟଙ୍କା ଥିବା ପ୍ରାପ୍ତ ସୂଚନାରୁ ଜଣାପଡ଼ିଛି। ଏହି କୋଟି କୋଟି ଟଙ୍କା ଦିଲ୍ଲୀରୁ ଗୁଜୁରାଟକୁ ନିଆଯାଉଥିବା ଜଣାପଡିଛି । ଏହି ଘଟଣାର ସମ୍ପୃକ୍ତ ହାୱାଲାର ଦୁଇ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି । ଜବତ ହୋଇଥିବା ଟଙ୍କା ମୂଲ୍ୟ ପାଖାପାଖି ୫କୋଟି ହେବ ବୋଲି କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ଆଶ୍ଚର୍ଯ୍ୟକର କଥା ପୁଲିସ ଷ୍ଟେସନରେ ଏତେ ସଂଖ୍ୟକ ନୋଟ୍ ଗଣିବା ପାଇଁ କୌଣସି ମେସିନ୍ ନଥିଲା । ତେଣୁ ବ୍ୟାଙ୍କରୁ ମେସିନ୍ ମଧ୍ୟ ଅର୍ଡର କରିବାକୁ ପଡିଲା । ସେଥିପାଇଁ ଏତେଗୁଡ଼ିକ ଟଙ୍କା ଗଣିବା ପାଇଁ ସକାଳରୁ ସନ୍ଧ୍ୟା ହୋଇଯାଇଥିଲା।
ବର୍ତ୍ତମାନ ପୁଲିସ ଏହି ମାମଲାର ତଦନ୍ତ କରୁଛି । ଏଥି ସହିତ ଏହା ହାୱାଲାର ଟଙ୍କା ବୋଲି ଦାବି କରାଯାଉଛି । ଡିଏସପି ମନୋଜ ସାଓ୍ୱରିଆ କହିଛନ୍ତି ଯେ ବର୍ତ୍ତମାନ ଟଙ୍କା ଜବତ କରାଯିବା ପରେ ଅଭିଯୁକ୍ତଙ୍କୁ ପଚରାଉଚରା ଜାରି ରହିଛି ।