୧୨ ବର୍ଷର ଝିଅକୁ ଦୁଷ୍କର୍ମ ଅଭିଯୋଗରେ ଗିରଫ ହେଲେ ସୁପର ମାର୍କେଟ ସେଲ୍ସମ୍ୟାନ
ଚଣ୍ଡିଗଡ଼ : ନିଜର ୧୨ ବର୍ଷିୟ ପଡ଼ୋଶୀ ସହ ଦୁଷ୍କର୍ମ କରି ଗିରଫ ହୋଇଛନ୍ତି ସୁପରମାର୍କେଟରେ କାମ କରୁଥିବା ଜଣେ ସେଲ୍ସମ୍ୟାନ । ବୁଧବାର ଘରେ କେହି ନଥିବାର ସୁଯୋଗ ନେଇ ଅଭିଯୁକ୍ତ ଜଣଙ୍କ ଏପରି କରିଥିବା ଜଣାପଡ଼ିଛି । ଅଭିଯୁକ୍ତଙ୍କ ନାମ ଶମ୍ମି କୁମାର ହୋଇଥିବା ବେଳେ ସେ ପୀଡ଼ିତାଙ୍କ ଘର ପାଖରେ ଥିବା ଏକ କୋଠାରେ ରହୁଥିବା ଜଣା ପଡ଼ିଛିା
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୂଯାୟୀ, ବୁଧବାର ଦଦ୍ଦୁମଜ୍ରା କଲୋନିରେ ରହୁଥିବା ପୀଡ଼ିତାଙ୍କ ମାତା-ପିତା କାମରେ ବାହାରକୁ ଯାଇଥିଲେ ।ସକାଳ ପ୍ରାୟ ୧୦ଟାରେ ୨୦ ବର୍ଷିୟ ଶମ୍ମି କୁମାର ଆସି ପୀଡ଼ିତାଙ୍କ ଘର କବାଟ ବାଡ଼େଇବା ପରେ ପୀଡ଼ିତା ଜଣଙ୍କ କବାଟ ଖୋଲିଥିଲେ । ଘରର ଭଡ଼ା ବିଷୟରେ ପଚାରିବାରୁ ପୀଡ଼ିତା ଜଣଙ୍କ ତାଙ୍କୁ ରାଗି କରି ଜବାବ ଦେଇଥିଲେ । ଏହା ପରେ କୁମାର ପୀଡ଼ିତାଙ୍କ ଏପରି ବ୍ୟବହାରରେ ରାଗି ଯାଇ ପ୍ରତିଶୋଧ ନେବାକୁ ଭାବିଥିଲେ । ଏଥି ପାଇଁ ସେ ପୀଡ଼ିତାଙ୍କୁ ପାଣି ମାଗିଥିଲେ। ପୀଡ଼ିତା ପାଣି ଆଣିବାକୁ ଯାଇଥିବା ବେଳେ କୁମାର ଘର ଭିତର ପଟୁ କବାଟ କିଳି ଦେଇଥିଲେ । ଏହା ପରେ ପୀଡ଼ିତାଙ୍କ ସହ ଦୁଷ୍କର୍ମ କରି ଏ ବିଷୟରେ କାହାକୁ ଜଣାଇଲେ ପରିସ୍ଥିତି ଭୟାବହ ହେବ ବୋଲି କୁମାର ଧମକ ଦେଇଥିଲେ ।
କିନ୍ତୁ ପୀଡ଼ିତା ଜଣଙ୍କ ଡ଼ରି ନ ଯାଇ ଅଭିଯୁକ୍ତ ସେଠାରୁ ଯିବା ପରେ ପୁରା ଘଟଣା ବିଷୟରେ ତାଙ୍କ ମା’ଙ୍କୁ ଫୋନ କରି ଜଣାଇଥିଲେ । ଏହା ପରେ ତାଙ୍କ ମା’ ଆସି ପୁଲିସ ଷ୍ଟେସନରେ ଅଭିଯୋଗ କରିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ପୀଡ଼ିତାଙ୍କୁ ଡ଼ାକ୍ତରୀ ପରୀକ୍ଷା ପାଇଁ ଡ଼ାକ୍ତରଖାନା ନିଆ ଯାଇଥିଲା । ଡ଼ାକ୍ତର ଦୁଷ୍କର୍ମ ହୋଇଥିବା ସ୍ପଷ୍ଟ କରିବା ପରେ ଧାରା ୧୬୪ ଅନୁଯାୟୀ ପୀଡ଼ିତାଙ୍କ ବୟାନ ରେକର୍ଡ଼ କରାଯାଇଥିଲା ।ଏହାପରେ ପୁଲିସ ସହାୟତାରେ ଅଭିଯୁକ୍ତଙ୍କୁ ଚିହ୍ନଟ କରିଥିଲେ ପୀଡ଼ିତା । ପୁଲିସ ଗିରଫ କରିଥିଲା ।