ନୂଆଦିଲ୍ଲୀ:ମାଟ୍ରିମୋନିଆଲ୍‌ ସାଇଟ୍‌ରେ ହାଇକ୍ଲାସ୍‌ ପ୍ରୋଫାଇଲ୍‌ ପ୍ରସ୍ତୁତ କରି ଏଯାଏଁ ୨୧ ଜଣ ଯୁବତୀଙ୍କୁ ଠକିଥିବା ଜଣେ ଲୋକଙ୍କୁ ଦିଲ୍ଲୀର ସ୍ୱତନ୍ତ୍ର ସେଲ୍‌ ପୁଲିସ ଗିରଫ କରିଥିବା ଜଣାଯାଇଛି। ଏହି ଠକର ନାଆଁ ଅଭିଷେକ ବଶିଷ୍ଠ ବୋଲି ଜଣାପଡ଼ିଛି । ଅଭିଷେକର ବୟସ ୩୨ ବର୍ଷ। ଦିଲ୍ଲୀ ପୁଲିସ କିଛି ଦିନ ତଳେ ତାକୁ ଧରାଇଦେବା ଲାଗି ୫୦ ହଜାର ଟଙ୍କାର ପୁରସ୍କାର ଘୋଷଣା କରିଥିଲା।
ଅଭିଯୁକ୍ତଙ୍କ ବିରୋଧରେ ଜଣେ ଯୁବତୀ ତାକୁ ବିବାହ କରି ଜୁଏଲାରି ଓ ଟଙ୍କା ନେଇ ଫେରାର୍‌ ହୋଇଥିବାର ଅଭିଯୋଗ ଆଣିଥିଲେ। ନ୍ୟାୟାଳୟ ଅଭିଯୁକ୍ତ ଅଭିଷେକ ବିରୋଧରେ ଜାମିନ ବିହୀନ ଓ୍ଵାରେଣ୍ଟ ଜାରି କରିଥିଲେ। ଅଭିଷେକ ନିଜର ଏକ ନିଉଜ୍‌ ଚ୍ୟାନେଲ୍‌ପାଇଁ ରିପୋର୍ଟରମାନଙ୍କୁ ନିଯୁକ୍ତି ଓ ନିଜ ଚାନେଲର ଫ୍ରାଞ୍ଚାଇଜ୍‌ ଦେବା ନାଆଁରେ ଠକାମି ମଧ୍ୟ କରିଥିବାର ଅଭିଯୋଗ ହୋଇଛି। ଅଭିଷେକକୁ ଡିସେମ୍ବର ୨୨ ତାରିଖରେ ହରିଦ୍ୱାରର ପ୍ରେମ ଆଶ୍ରମ ଛକ ନିକଟରେ ଗିରଫ କରାଯାଇଛି ବୋଲି ଡିସିପି ପ୍ରମୋଦ କୁଶବାହା ସୂଚନା ଦେଇଛନ୍ତି।

Advertisment

publive-image

ଏହା ପୂର୍ବରୁ ୨୦୧୬ରେ ବି ଅଭିଷେକ ଅନ୍ୟ ଏକ ଠକେଇ ମାମଲାରେ ମଧ୍ୟ ଚଣ୍ଡୀଗଡ ପୁଲିସଦ୍ୱାରା ଗିରଫ ହୋଇଥିଲା। ସେତେବେଳେ ସେ ଡେରାଡୁନ୍‌ର ଇଣ୍ଡିଆନ୍‌ ମିଡିଆ ଗ୍ରୁପ୍‌ର କର୍ମଚାରୀ ବୋଲି ପରିଚୟ ଦେଇ ଜମିଜମା କିଣାବିକା ବ୍ୟବସାୟରେ ଠକେଇ କରିଥିଲା।