ଗୋଟେ ରାତିରେ ଲକ୍ଷପତି ବନିଗଲା ପୂର୍ବ ଆଇଏଏସ୍ ଅଧିକାରୀଙ୍କ ଘରେ କାମ କରୁଥିବା ଚାକର, ଲକ୍ଷପତି ହେବା ପଛର କାରଣ ସାମ୍ନାକୁ ଆସିବା ପରେ ଉଡ଼ିଗଲା ସମସ୍ତଙ୍କ ହୋସ
ରାୟପୁର: ଛତିଶଗଡ଼ର ରାୟପୁରରେ ଜଣେ ପୂର୍ବ ଆଇଏଏସ୍ ଅଧିକାରୀଙ୍କ ଘରେ କାମ କରୁଥିବା ଚାକର ରାତାରାତି ଲକ୍ଷପତି ହୋଇଯିବା ପରେ ଖୁସି ହୋଇଥିଲେ ଆଇଏଏସ୍ ଅଧିକାରୀ ଏବଂ ତାଙ୍କ ପରିବାର । କିନ୍ତୁ ଚାକର ଲକ୍ଷପତି ହେବା ପଛର କାରଣ ମାଲିକକୁ ଜଣା ନଥିଲା । ଯେତେବେଳେ ପ୍ରକୃତ କାରଣ ସାମ୍ନାକୁ ଆସିଲା ସେତେବେଳେ ଆଇଏଏସ୍ ଅଧିକାରୀଙ୍କ ହୋସ ଉଡ଼ି ଯାଇଥିଲା । ସତ ସାମ୍ନାକୁ ଆସିବ ପରେ ଏବେ ଅଭିଯୁକ୍ତ ଚାକରକୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରାୟପୁରରେ ରହୁଥିବା ଆଇଏଏସ୍ ଅଧିକାରୀ ସୁଭାଷ ମଜମୁଦାରଙ୍କ ଘରେ କାମ କରୁଥିବା ସତ୍ୟଭାମ ଲୁଚି ଲୁଚି ଆଇଏଏସ୍ ଅଧିକାରୀଙ୍କ ଘର ପଛପଟେ ଥିବା ୨୪୫୦ ବର୍ଗଫୁଟର ଜାଗାକୁ ବିକ୍ରି କରୁଥିଲେ । ଆଇଏଏସ୍ ଅଧିକାରୀଙ୍କୁ ନ ଜଣାଇ ବିଲ୍ଡ଼ରମାନଙ୍କୁ ସେ କିଛି କିଛି ଜାଗା ବିକ୍ରି କରୁଥିବା ବେଳେ ୧୧ଲକ୍ଷ ଟଙ୍କା ପାଇ ସାରିଥିଲେ । ୧୫ବର୍ଷ ହେବ ସତ୍ୟଭାମ କାମ କରୁଥିବାରୁ ଘରେ କେହି ତାଙ୍କ ଉପରେ ସନ୍ଦେହ କରି ନଥିଲେ । ସ୍ତ୍ରୀ ଯିବା ପରେ ଆଇଏଏସ୍ ଅଧିକାରୀ ଘରର କାମ କରିବା ପାଇଁ ସତ୍ୟଭାମକୁ ରଖିଥିଲେ । ଯାହା ପାଇଁ ସେ ଘରର କାମ କରି ବିଶ୍ୱାସ ଜିତିବା ପରେ ଲୁଚି ଲୁଚି ଜାଗା ବିକ୍ରି କରିବା ଆରମ୍ଭ କରିଥିଲେ ।
ଜୁଲାଇ ୨୦୧୮ରେ ଆଇଏଏସ୍ ଅଧିକାରୀ ଦୁଇ ପୁଅ ଘରକୁ ଆସିବା ପରେ ଘର ଫଛପଟେ ଥିବା ଜାଗା ବିକ୍ରି ହୋଇଥିବା ଜାଣିବାକୁ ପାଇଥିଲେ ସୁଭାଷ ମଜମୁଦାର । ଖାଲି ଷ୍ଟାମ୍ପ ପେପରରେ ଦସ୍ତଖତ କରାଇ ସତ୍ୟଭାମ ଏପରି କରିଥିବା ଜଣା ପଡ଼ିବା ପରେ ପୁଲିସରେ ଅଭିଯୋଗ କରାଯାଇଥିଲା । ଯାହା ପରେ ତାକୁ ଗିରଫ କରାଯାଇଛି ।