୧୦ ବର୍ଷ ଧରି ବାଳିକା ସହିତ ଦୁଷ୍କର୍ମ କରିଆସୁଥିବା ‘ଚାଇଲ୍‌ଡ୍‌ କେୟାର୍‌ ହୋମ୍‌’ର ନିର୍ଦେଶକ ଗିରଫ

କୋଲ୍‌କାତା: ଜଣେ ନାବାଳିକା ଦୁଷ୍କର୍ମ ଅଭିଯୋଗ କରିବାରୁ ଗୁରୁବାର ଦିନ କୋଲ୍‌କାତାର ହରିଦେବପୁର ଅଞ୍ଚଳରେ ଥିବା ଏକ ‘ବ୍ଲାଇଣ୍ଡ୍‌ ସ୍କୁଲ୍‌ ଆଣ୍ଡ୍‌ ଚିଲ୍‌ଡ୍ରେନ୍‌ସ୍‌ ହୋମ୍‌’ର ନିର୍ଦେଶକ ଓ ପ୍ରିନ୍‌ସିପାଲ୍‌ଙ୍କ ସମେତ ୩ଜଣଙ୍କୁ ଗିରଫ କରାଯାଇଥିବା କଥା ପୁଲିସ କହିଛି।

‘ଚାଇଲ୍‌ଡ୍‌ କେୟାର୍‌ ହୋମ୍‌’ରେ ଉକ୍ତ ନାବାଳିକାଟି ସହିତ ୧୦ ବର୍ଷ ଧରି ଦୁଷ୍କର୍ମ କରାଯାଉଥିଲା ବୋଲି ପୁଲିସ କହିଛି।

ଏହି ଘଟଣା ସହିତ ଜଡ଼ିତ ଥିବା ଅଭିଯୋଗରେ ଆଜି ପୂର୍ବାହ୍ନରେ ଉକ୍ତ ପ୍ରତିଷ୍ଠାନର ନିର୍ଦେଶକ, ପ୍ରିନ୍‌ସିପାଲ୍‌ ଓ ରୋଷେୟାଙ୍କୁ ଗିରଫ କରାଯାଇଥିବା ଜଣେ ପୁଲିସ ଅଧିକାରୀ କହିଛନ୍ତି।

ଅଭିଯୋଗ ଆସିବା ପରେ ଉକ୍ତ ‘ଚାଇଲ୍‌ଡ୍‌ କେୟାର୍‌ ହୋମ୍‌’ର ଅନ୍ତେବାସୀମାନଙ୍କୁ ନିରାପଦ ସ୍ଥାନକୁ ସ୍ଥାନାନ୍ତରିତ କରାଯାଇଛି ବୋଲି ସେମାନେ କହିଛନ୍ତି।

ପୁଲିସ ଘଟଣାର ଅଧିକ ତଦନ୍ତ ଚଳାଇଛି।