ନୂଆଦିଲ୍ଲୀ: ଦୁଇଜଣ ସ୍କୁଲ ଛାତ୍ରୀ ଜଣେ ରୋଡ ରୋମିଓକୁ ସାବାଡ଼ କରିଥିବା ଘଟଣା ସାମ୍ନାକୁ ଆସିଛି। ଏହି ଘଟଣାଟି ଗୁଜୁରାଟର ଅହମ୍ମଦାବାଦରେ ଘଟିଥିବା ବେଳେ ସୋସିଆଲ ମିଡିଆରେ ଏହା ଭାଇରାଲ ହେଉଛି।

Advertisment

ପ୍ରାପ୍ତସୂଚନା ଅନୁସାରେ, ଦୁଇଭଉଣୀ ଗୋଟିଏ ସ୍କୁଲ ପାଠପଢ଼ନ୍ତି। ସ୍କୁଲ ଶେଷପରେ ସାଙ୍ଗ ହୋଇ ଘରକୁ ଫେରୁଥିବା ବେଳେ ଜଣେ ଯୁବକ ସାନ ଭଉଣୀକୁ କମେଣ୍ଟ ମାରିବା ସହିତ ଅଶ୍ଳୀଳ କଥା କହିଥିଲା। ଆଉ ଉପହାର ଦେଇ ଜୋରଜବରଦସ୍ତ ଚୁମ୍ବନ ଦେଇଥିଲା। ଏଥିରେ ବଡ଼ ଭଉଣୀ ରାଗି ଯାଇଥିଲା। ସେ ଉକ୍ତ ଯୁବକକୁ କାବୁ କରି ସ୍କୁଲ ବେଲଟ ଖୋଲି ନିସ୍ତୁକମାଡ଼ ମାରିବା ସହିତ ସ୍ଥାନୀୟଲୋକଙ୍କୁ ଘଟଣା ବିଷୟରେ ଜଣାଇ ଦେଇଥିଲା।

ଏହାପରେ ରୋଡ ରୋମିଓକୁ ଲୋକେ ନିସ୍ତୁକମାଡ଼ ମାରିଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଲୋକଙ୍କ ଭିଡ଼ ଭିତରୁ ଉକ୍ତ ଯୁବକକୁ ଉଦ୍ଧାର କରିଥିଲା। ଉକ୍ତ ଯୁବକର ନାମ ବିଜୟ ସରକଟେ ବୋଲି ଜଣାପଡ଼ିଛି। ପୁଲିସ ବିଜୟ ନାମରେ ପକସୋ ଅଧିନିୟମ ଆଧାରରେ ମାମଲା ରୁଜୁ କରିଛି। ସାନ ଭଉଣୀର ବୟସ ୧୭ ଓ ବଡ଼ ଭଉଣୀର ବୟସ ୧୯ବର୍ଷ ହୋଇଥିବା ଜଣାପଡ଼ିଛି।