ଲୋକମାନଙ୍କୁ ମିଛ କହିି ସେମାନଙ୍କ ଠାରୁ ଟଙ୍କା ଠକି ନେଉଥିବା ଅପରାଧି ଗିରଫ, ଚୋର ଶରୀରର ଏହି ଅଙ୍ଗ ପାଇଁ ସହଜରେ ଧରି ନେଇଥିଲା ପୁଲିସ
ନୂଆଦିଲ୍ଲୀ: ଦିଲ୍ଲୀରେ ଏକ ମୋଟୁପତ୍ଲୁ ଚୋରଙ୍କର କାରନାମା ସାମ୍ନାକୁ ଆସିଛି । ଏହି ଦୁଇ ଅଭିଯୁକ୍ତ ଜଣେ ବ୍ୟବସାୟୀଙ୍କୁ ମିଛ କହି ଦେଢ଼ ଲକ୍ଷ ଟଙ୍କା ଦେବା କଥା କହୁଥିଲେ । କିନ୍ତୁ ବ୍ୟବସାୟୀଙ୍କୁ ଦୁଇ ଜଣଙ୍କ କଥାକୁ ନେଇ ସନ୍ଦେହ ହେବାରୁ ସେ ପୁଲିସକୁ ସୂଚନା ଦେଇଥିଲେ । ପରେ ବ୍ୟବସାୟୀ ତାଙ୍କ ଅସଲ ଚେହେରା ଜାଣି ପାରିଥିବା ଜାଣି ଦୁଇ ଚୋର ଖସିଯିବାକୁ ବସିଥିଲେ । ଦୁଇ ଜଣଙ୍କ ମଧ୍ୟରେ ଜଣେ ପତଳା ଥିବାରୁ ସେ ଖସି ପଳାଇଥିବା ବେଳେ ଅନ୍ୟ ଚୋରଟିର ପେଟ ବଡ଼ ଥିବାରୁ ସେ ଖସି ଯାଇ ପାରି ନଥିଲା । ଠିକ୍ ସମୟରେ ପୁଲିସ ପହଞ୍ଚିବାରୁ ଚୋରଟିକୁ ଗିରଫ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ଗିରଫ ପରେ ପଚରା ଉଚରା କରିବା ସହ ବ୍ୟବସାୟୀଙ୍କୁ ଦେଢ଼ ଲକ୍ଷ ଟଙ୍କା ଦେବା ପାଇଁ ଆଣିଥିବା ବାକ୍ସ ଖୋଲା ଯାଇଥିଲା । ବାକ୍ସ ଖୋଲିବା ପରେ ଭିତରେ କିଛି ଅସଲି ନୋଟ୍ ଥିବା ସହ ବାକି ସବୁ ସାଧା କାଗଜ ଥିବା ଦେଖା ଯାଇଥିଲା । ଏବେ ପୁଲିସ ଦ୍ୱିତୀୟ ଅଭିଯୁକ୍ତକୁ ଖୋଜିବା ଆରମ୍ଭ କରିଥିବା ଜଣା ପଡ଼ିଛି ।