ଜନ୍ମଦିନ ପାଳନ କରିବାକୁ ଡାକିନେଇ ଦ୍ୱାଦଶଶ୍ରେଣୀ ଛାତ୍ରୀଙ୍କୁ ଗଣଦୁଷ୍କର୍ମ
ସୋନାରପୁର (ପଶ୍ଚିମବଙ୍ଗ): ଜନ୍ମଦିନ ପାଳନ କରିବାକୁ ଜଣେ ବନ୍ଧୁଙ୍କ ଘରକୁ ଯାଇଥିବା ବେଳେ ଜଣେ ଦ୍ୱାଦଶ ଶ୍ରେଣୀ ଛାତ୍ରୀ ଗଣଦଷ୍କର୍ମର ଶିକାର ହୋଇଛନ୍ତି । ଯୁବତୀଙ୍କୁ ପାନୀୟରେ ନିଶା ଦେଇ ଚାରିଜଣ ଯୁବକ ତାଙ୍କ ସହ ଗଣଦୁଷ୍କର୍ମ କରିଛନ୍ତି । ଏହି ଅଭିଯୋଗରେ ୩ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଜଣଙ୍କୁ ଖୋଜୁଛି ପୋଲିସ ।
ହସ୍ତଗତ ହୋଇଥିବା ଘଟଣାର ବିବରଣୀରୁ ପ୍ରକାଶ, ଏହି ଘଟଣାଟି ମଙ୍ଗଳବାର ରାତିରେ ଘଟିଥିଲା । ପୀଡ଼ିତାଙ୍କ ପ୍ରେମିକ ଘରେ କେହି ନାହାନ୍ତି କହି ତାଙ୍କୁ ନିଜ ଘରକୁ ଡ଼ାକିଥିଲେ । ସେଠି ପହଞ୍ଚିବା ପରେ ସେଠାରେ ଅଭିଯୁକ୍ତଙ୍କର ଅନ୍ୟ ତିନି ଜଣ ସାଙ୍ଗ ମଧ୍ୟ ଉପସ୍ଥିତ ଥିଲେ । ଜନ୍ମଦିନ ପାଳନ କରିବା ବାହାନାରେ ସେମାନେ ପୀଡ଼ିତାଙ୍କୁ ମଦରେ ଡ଼୍ରଗ୍ସ ମିଶାଇ ପିଇବାକୁ ଦେଇଥିଲେ । ତାକୁ ପିଇ ପୀଡ଼ିତା ଜଣଙ୍କ ଅଚେତ୍ ହୋଇଯିବା ପରେ ୪ଜଣ ମିଶି ତାଙ୍କ ସହ ଦୁଷ୍କର୍ମ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଦୁଷ୍କର୍ମ ପରେ ତାଙ୍କୁ ଜୀବନରୁ ମାରିବାକୁ ଅଭିଯୁକ୍ତମାନେ ଉଦ୍ୟମ କରୁଥିବା ବେଳେ ଅଭିଯୁକ୍ତଙ୍କ ପରିବାର ଲୋକେ ଘଟଣାସ୍ଥଳରେ ପହଞ୍ଚି ଯାଇଥିଲେ । ପୀଡ଼ିତାଙ୍କୁ ରକ୍ତାକ୍ତ ଅବସ୍ଥାରେ ଦେଖି ପରିବାର ଲୋକେ ତାଙ୍କ ଘରେ ଜଣାଇବା ସହ ତାଙ୍କର ଆକ୍ସିଡ଼େଣ୍ଟ ହୋଇ ଯାଇଛି ବୋଲି କହିଥିଲେ । ପୀଡ଼ିତାଙ୍କ ପରିବାର ଲୋକେ ସେଠି ପହଞ୍ଚିବା ପରେ ଏହା ଦୁର୍ଘଟଣା ନୁହେଁ ବୋଲି ସନ୍ଦେହ କରି ପୋଲିସରେ ଏତଲା ଦେଇଥିଲେ । ଏହା ସହ ପୀଡ଼ିତାଙ୍କୁ ସିଟି ହସ୍ପିଟାଲ ନିଆ ଯାଇଥିଲା । ପୋଲିସ ଏହି ଘଟଣାର ତଦନ୍ତ କରି ୩ଜଣଙ୍କୁ ଗିରଫ କରିବା ସହ ଫେରାର ଥିବା ଅନ୍ୟ ଜଣେ ଅଭିଯୁକ୍ତକୁ ଖୋଜିବା ଆରମ୍ଭ କରିଛି ।