ବ୍ୟାୟାମ କରିବା ବାହାନା କରି ବଲ୍ବ ଚୋରି କଲେ ଯୁବକ, ସିସିଟିଭିରେ କଏଦ୍ ହେଲା ପୂରା ଘଟଣା, ଦେଖନ୍ତୁ କିପରି କରିଥିଲେ ଚୋରି
କୋଏମ୍ବାଟୁର୍ : ଚୋରି କରିବାର ନୂଆ କୌଶଳ । ପ୍ରତିଦିନ ଚୋରଙ୍କୁ ଧରିବା ପାଇଁ ପୁଲିସ ନୂଆ ନୂଆ ଉପାୟ ଆପଣାଉଥିବା ବେଳେ ଚୋରମାନେ ମଧ୍ୟ ଚୋରି କରିବା ପାଇଁ ହାଇଟେକ୍ ଉପାୟ ଆପଣାଉଛନ୍ତି । ଏବେ ତାମିଲନାଡ଼ୁର ଏକ ଚୋର ଚୋରି କରୁଥିବାରୁ ଦୃଶ୍ୟ ସିସିଟିଭିରେ କଏଦ୍ ହୋଇଛି । ଯାହା ଏବେ ସୋସିଆଲ ମିଡ଼ିଆରେ ଭାଇରାଲ ହେବା ପରେ ସମସ୍ତେ ଚୋରର ଚୋରି କରିବାର ଉପାୟକୁ ଦେଖି ଆଶ୍ଚର୍ଯ୍ୟ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭାଇରାଲ ହୋଇଥିବା ଭିଡ଼ିଓରେ ଜଣେ ଯୁବକ କୋଏମ୍ବାଟୁର୍ରେ ଥିବା ଏକ ଦୋକାନ ଆଗକୁ ଆସି ବ୍ୟାୟାମ କରିବା ଆରମ୍ଭ କରୁଛି । ପ୍ରଥମେ ଲୋକଟି ଆସି ହଠାତ୍ ଦୋକାନ ସାମ୍ନାରେ ବ୍ୟାୟାମ କରିବା ଦେଖି ଲୋକ କିଛି ବୁଝି ପାରୁ ନଥିବା ବେଳେ ପରେ ପ୍ରକୃତ ଘଟଣାଟି ସାମ୍ନାକୁ ଆସୁଛି । ଯୁବକ ଜଣଙ୍କ ବ୍ୟାୟାମ କରିବା ଆଳରେ ଦୋକାନ ଆଗରେ ଲଗା ଯାଇଥିବା ବଲ୍ବକୁ ଚୋରି କରିବା ଆରମ୍ଭ କରୁଛି । ଧିରେ ଧିରେ ଯୁବକ ଜଣଙ୍କ ବଲ୍ବ କାଢ଼ି ନିଜ ପ୍ୟାଣ୍ଟ ପକେଟରେ ଭର୍ତ୍ତି କରୁଥିବା ଭିଡ଼ିଓରେ ଦେଖିବାକୁ ମିଳିଛି । ଚୋରର ଏହି ଘଟଣାକୁ କେହି ଦେଖୁ ନଥିବା ଜାଣି ଖୁବ୍ ଆରାମ୍ରେ ଚୋର ଚୋରି କରୁଥିବା ବେଳେ ସିସିଟିଭି ପୂରା ଘଟଣା କଏଦ୍ ହୋଇଥିଲା । ଯାହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।