ନୂଆଦିଲ୍ଲୀ: ୨୦୦ କୋଟିରୁ ଅଧିକ ଟଙ୍କା ଠକିଥିବା ଏବଂ ଅଭିନେତ୍ରୀମାନଙ୍କୁ ମହଙ୍ଗା ଉପହାର ଦେଇଥିବା ସୁକେଶ ଚନ୍ଦ୍ରଶେଖର ଏବେ ତାଙ୍କ ପତ୍ନୀଙ୍କ ସହ ଦିଲ୍ଲୀର ତିହାର ଜେଲରେ ରହିବାକୁ ଚାହୁଁଛନ୍ତି। ତିହାର ଜେଲର ଡିଜି କହିଛନ୍ତି ଯେ ସେ ଜେଲ ନମ୍ବର ୬ରେ ରହୁଥିବା ତାଙ୍କ ପତ୍ନୀ ଲୀନା ମାରିଆଙ୍କୁ ଭେଟିବାର ବ୍ୟବସ୍ଥା ଚାହୁଁଛନ୍ତି। ତାଙ୍କର ନୂତନ ଦାବି ଜେଲ ପ୍ରଶାସନ ପାଇଁ ମୁଣ୍ଡବିନ୍ଧାର କାରଣ ପାଲଟିଛି।
Sambad is now on WhatsApp
Join and get latest news updates delivered to you via WhatsApp
ଜେଲର ଡିଜିଙ୍କ ଅନୁଯାୟୀ, ଠକ ସୁକେଶ ଚନ୍ଦ୍ରଶେଖର ମଧ୍ୟ ଏପ୍ରିଲ ୨୩ରୁ ମେ’ ୨ ପର୍ଯ୍ୟନ୍ତ ଏବଂ ମେ’ ୪ ରୁ ମେ’ ୧୨ ପର୍ଯ୍ୟନ୍ତ ତାଙ୍କ ପତ୍ନୀଙ୍କୁ ଭେଟିବାକୁ ଜିଦ୍ ଧରି ଅନଶନ କରିସାରିଛନ୍ତି। ତାଙ୍କ ସ୍ୱାସ୍ଥ୍ୟ ଅବସ୍ଥା ଯେପରି ଖରାପ ନହୁଏ ସେଥିପାଇଁ ତାଙ୍କୁ ଜେଲର ଡିସପେନସାରିରେ ଗ୍ଲୁକୋଜ ଦିଆଯାଇଥିଲା। ହେଲେ ଏବେ ସୁକେଶ ପୁଣି ଥରେ ପତ୍ନୀଙ୍କ ସହ ରହିବାକୁ ଜିଦ୍ ଧରିଛନ୍ତି।
ତାଙ୍କୁ ପୂର୍ବରୁ ଦୁଇଥର ତାଙ୍କ ପତ୍ନୀଙ୍କ ସହ ସାକ୍ଷାତ କରିବାକୁ ଅନୁମତି ଦିଆଯାଇଛି, ଅର୍ଥାତ୍ ମାସର ପ୍ରତ୍ୟେକ ପ୍ରଥମ ଏବଂ ତୃତୀୟ ଶନିବାର ଅନ୍ୟ କଏଦୀମାନଙ୍କ ଭଳି ସେ ନିଜ ପତ୍ନୀଙ୍କ ସହ ଦେଖା କରନ୍ତି। ଦୁଇ ଥର ଭେଟିବା ପରେ ବି ଏବେ ସେ ନିଜ ପତ୍ନୀଙ୍କୁ ଭେଟିବାକୁ ଜିଦ୍ ଧରିଛନ୍ତି, ଯାହା ଅନୁମତିପ୍ରାପ୍ତ ନୁହେଁ।
ଉଲ୍ଲେଖଯୋଗ୍ୟ, ସୁକେଶ ୧୭ ବର୍ଷ ବୟସରେ ଅପରାଧ ଜଗତରେ ପ୍ରବେଶ କରିଥିଲେ। ସେ ଫୋନରେ ଜଣେ ବରିଷ୍ଠ ସରକାରୀ ଅଧିକାରୀ ହୋଇ ଧନୀମାନଙ୍କୁ ଠକୁ ଥିଲେ। ୧୮ ବର୍ଷ ବୟସ ହେବା ପୂର୍ବରୁ ସେ ଅମଲାତନ୍ତ୍ର ହୋଇ ୧୦୦ରୁ ଅଧିକ ଲୋକଙ୍କୁ ଠକି ସାରିଥିଲେ। ଏବେ ତାଙ୍କୁ ୨୦୦କୋଟି ଠକେଇ କରିଥିବା ଅଭିଯୋଗରେ ଗିରଫ କରାଯାଇଛି।