ବାଲେଶ୍ୱର: କଟକରୁ ଜୟଦେବ ସାମନ୍ତ ନାମକ ଜଣେ ବ୍ୟକ୍ତି ରବିବାର ସକାଳେ ପୁରୀ-କାମାକ୍ଷା ଟ୍ରେନ୍ରେ ହାଓ୍ଵଡା ଯାଉଥିବା ବେଳେ ଖଡ଼ଗପୁର ଷ୍ଟେସନରେ ଗିରଫ ହୋଇଛନ୍ତି। ବ୍ୟକ୍ତି ଜଣକ କଟକରୁ ଯାଇ ଖଡ଼ଗପୁର ଷ୍ଟେସନରେ ପହଞ୍ଚିବା ପରେ ଟ୍ରେନ ବଦଳାଇ ଅନ୍ୟ ଟ୍ରେନକୁ ଯାଉଥିବା ବେଳେ ଆର୍ପିଏଫ୍ ଟାସ୍କ ଟିମ୍ ସି ଓ ଜିଆର୍ପି ମିଳିତ ଭାବେ ଉକ୍ତ ଷ୍ଟେସନରେ ଯାଞ୍ଚ କରୁଥିଲେ। ବ୍ୟକ୍ତିଙ୍କର ସନ୍ଦେହଜନକ ଆଚରଣ ଦେଖି ଆର୍ପିଏଫ୍ ଟାସ୍କ ଟିମ୍ ସି ଓ ଜିଆର୍ପି ତାଙ୍କୁ ସେଠାରେ ଅଟକାଇ ତାଙ୍କ ବ୍ୟାଗ୍ ଦେଖିଥିଲେ। ବ୍ୟକ୍ତି ଜଣକ ନିଜ ସାଥିରେ ଯେଉଁ ବ୍ୟାଗ୍ ନେଇ ଯାଉଥିଲେ ସେଥିରେ ୩୮ ଲକ୍ଷ ୫୦ ହଜାର ଟଙ୍କା ଥିବା ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ବ୍ୟକ୍ତି ଜଣକ କିଏ ଓ କାହିଁକି ଏତେ ଗୁଡ଼ିଏ ଟଙ୍କା ସାଥିରେ ନେଇ ଯାଉଥିଲେ ତାହାର ଏପର୍ଯ୍ୟନ୍ତ କୌଣସି ସୂଚନା ମିଳିନାହିଁ। ତେବେ ପୁଲିସ୍ ପଚରାଉଚରା କରିବା ବ୍ୟକ୍ତି ଜଣକ ଏ ଟଙ୍କା ଜଣେ ସୁନା ବେପାରୀଙ୍କର ବୋଲି କହିଛନ୍ତି। ସେ କହିଛନ୍ତି କି କଟକର ଜଣେ ସୁନା ବେପାରୀ ଦେଇଥିବା ଏହି ଟଙ୍କା ନେଇ ସେ ଖଡ଼ଗପୁରରେ ଜଣେ ଲୋକଙ୍କୁ ଦେବାକୁ ଯାଉଥିଲେ।