ପଞ୍ଚାୟତ ଅଫିସ ବାହାରେ ଦଳିତ ମହିଳାଙ୍କୁ ଅସଦାଚରଣ, ଚେୟାରରୁ ଧକ୍କା ମାରି ତଳେ ପକାଇବା ସହ ମାଡ଼ ମାରିଲେ ଲୋକେ
ଅହମ୍ମଦାବାଦ୍ : ଅହମ୍ମଦାବାଦ୍ରେ ଜଣେ ଦଳିତ ମହିଳାଙ୍କୁ ମାଡ଼ ମରା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ପେଶାରେ ଜଣେ ଅଙ୍ଗନଓ୍ଵାଡ଼ି କର୍ମୀ ହୋଇଥିବା ବେଳେ କିଛି କାମ ପାଇଁ ପଞ୍ଚାୟତ ଅଫିସକୁ ଯାଇଥିଲେ ସଂପୃକ୍ତା ଦଳିତ ମହିଳା । ଅଫିସ ବାହାରେ ପଡ଼ିଥିବା ଏକ ଚେୟାରରେ ମହିଳାଜଣଙ୍କ ବସିଥିବା ବେଳେ ଜଣେ ଯୁବକ ଆସି ସେ ବସିଥିବା ଚେୟାରକୁ ଧକ୍କା ଦେଇଥିଲେ । ମହିଳା ଜଣଙ୍କ ତଳେ ପଡ଼ିଯିବା ପରେ ଅନ୍ୟ ୯ ଜଣ ଯୁବକ ଆସି ତାଙ୍କୁ ପାଇପ୍, ବାଡ଼ି ସାହାଯ୍ୟରେ ମାଡ଼ ମାରିବା ଆରମ୍ଭ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଘଟଣା ବିଷୟରେ ଖବର ପାଇ ମହିଳାଙ୍କ ସ୍ୱାମୀ ଏବଂ ପୁଅ ସେଠାରେ ପହଞ୍ଚି ରୋକିବାକୁ ଚେଷ୍ଟା କରିବାରୁ ସେମାନଙ୍କୁ ମଧ୍ୟ ଛାଡ଼ି ନଥିଲେ ଲୋକେ । ଏହି ଘଟଣାଟି ଗତ ମାସରେ ଘଟିଥିବା ବେଳେ ଗୁରୁବାର ଏ ନେଇ ଅଭିଯୋଗ କରାଯାଇଥିଲା । ଅଭିଯୋଗ ପରେ ପୁଲିସ ଅଭିଯୁକ୍ତମାନଙ୍କୁ ଚିହ୍ନଟ କରି ଗିରଫ କରିବାକୁ ଉଦ୍ୟମ ଆରମ୍ଭ କରିଥିବା ଜଣା ପଡ଼ିଛି । ସୂଚନା ମୁତାବକ, ପଲ୍ଲବୀ ଯାଦବ ନିଜ ପୁତୁରା ମୌଲିକ୍ ଯାଦବଙ୍କ ଅଧାରକାର୍ଡ଼ରେ ପରିବର୍ତ୍ତନ କରାଇବା ପାଇଁ ପଞ୍ଚାୟତ ଅଫିସ ଯାଇଥିଲେ । ଯାଦବକୁ ପରିବର୍ତ୍ତନ କରି ସିହ୍ନା କରିବାକୁ ଚହୁଁଥିବା ଜାଣି ୧୦ଜଣ ଯୁବକ ତାଙ୍କ ଉପରକୁ ଆକ୍ରମଣ କରିଥିଲେ ବୋଲି ଅଭିଯୋଗ ହୋଇଛି ।