ଘର ବାହାରେ ୩ ବର୍ଷୀୟ ଶିଶୁ ଖେଳୁଥିବା ବେଳେ ଦାନ୍ତରେ କାମୁଡି ୫୦ମିଟର ପର୍ଯ୍ୟନ୍ତ ଟାଣିନେଲା କୁକୁର, ତା’ ପରେ…
ନଓ୍ଵାସହର (ପଞ୍ଜାବ): ପଞ୍ଜାବର ନଓ୍ଵାସହରରେ ଘଟିଛି ଏକ ଆଶ୍ଚର୍ଯ୍ୟ କଲା ଭଳି ଘଟଣା । ୩ ବର୍ଷୀୟ ଶିଶୁ ଘର ବାହାରେ ଖେଳୁଥିବା ବେଳେ ପଡ଼ୋଶୀଙ୍କ ପୋଷା କୁକୁରର ଶିକାର ହେବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଏହି ଘଟଣାରେ ପରେ ଶିଶୁଟିର ଜୀବନ ବଞ୍ଚି ଯାଇଥିଲେ ମଧ୍ୟ ହାତ ଏବଂ ଗୋଡ଼ରୁ କୁକୁରଟି ମାଂସ ନେଇ ଯାଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତ ହର୍ଜୋତ କୁମାର ଘର ବାହାରେ ଖେଳୁଥିବା ବେଳେ ପଡ଼ୋଶୀ ସନ୍ଦୀପ ନିଜ ପୋଷା କୁକୁରକୁ ହର୍ଜୋତଙ୍କ ଆଡ଼କୁ ହାତ ଦେଖାଇ ଛାଡ଼ି ଦେଇଥିଲେ । ମାଲିକର ଇଶାରା ପାଇ କୁକୁରଟି ଦୌଡ଼ି ଆସି ହର୍ଜୋତଙ୍କୁ ଆକ୍ରମଣ କରିଥିଲା । କୁକୁରଟି ହର୍ଜୋତ୍ଙ୍କ ହାତକୁ କାମୁଡ଼ି ୫୦ ମିଟର ପର୍ଯ୍ୟନ୍ତ ଟାଣି ନେବା ପରେ ତାଙ୍କ ଚିତ୍କାର ଶୁଣି ଗାଁ ଲୋକେ ଆସିବା ସହ କୁକୁରକୁ ମାଡ଼ ମାରି ହର୍ଜୋତଙ୍କୁ ବଞ୍ଚାଇଥିଲେ । କିନ୍ତ ସେତେବେଳକୁ କୁକୁରଟି ହର୍ଜୋତଙ୍କ ହାତ ଏବଂ ଗୋଡ଼ରୁ ମାଂସ ନେଇ ସାରିଥିଲା । ଗୁରୁତର ଅବସ୍ଥାରେ ହର୍ଜୋତଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ତାଙ୍କ ଅବସ୍ଥା ଏବେ ସ୍ଥିର ଥିବା ଜଣାପଡ଼ିଛି । ଅନ୍ୟ ପକ୍ଷରେ ବୁଲି ବ୍ଲେ୍ଟର ପ୍ରଜାତିର କୁକୁରକୁ ରଖିବା ସହ ଏଭଳି ଖୋଲା ଛାଡ଼ିଥିବାରୁ ସନ୍ଦୀପଙ୍କ ବିରୋଧରେ ଏତଲା ରୁଜୁ କରାଯାଇଛି ।