ଦିଲ୍ଲୀରେ ସୁରକ୍ଷିତ ନୁହନ୍ତି ବୃଦ୍ଧା,୭୫ବର୍ଷୀୟା ବୃଦ୍ଧା ହେଲେ ଦୁଷ୍କର୍ମ ଉଦ୍ୟମର ଶିକାର
ନୂଆଦିଲ୍ଲୀ : ରାଜଧାନୀ ଦିଲ୍ଲୀରେ ବୃଦ୍ଧାମାନଙ୍କ ପ୍ରତି ହେଉଥିବା ଅତ୍ୟାଚାର ଥମିବାର ନାଁ ନେଉ ନାହିଁ । ଦୁଷ୍କର୍ମ ଭଳି ଅପରାଧକୁ ରୋକିବା ପାଇଁ ଚେଷ୍ଟା ଜାରି ରହିଥିବା ବେଳେ ଏହା ଦିନକୁ ଦିନ ସବୁ ବୟସର ମହିଳାମାନଙ୍କ ସହ ଘଟୁଥିବା ଦେଖା ଯାଉଛି । ଏବେ ଦିଲ୍ଲୀରେ ଜଣେ ୭୫ବର୍ଷୀୟା ବୃଦ୍ଧାଙ୍କ ସହ ଦୁଷ୍କର୍ମଉଦ୍ୟମ ହୋଇଥିବା ଖବର ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୭୫ବର୍ଷୀୟ ବୃଦ୍ଧା ଘରେ ଏକା ଥିବା ବେଳେ ସକାଳ ୭ଟାରେ ଜଣେ ଯୁବକ ମୁହଁରେ ରୁମାଲ ବାନ୍ଧି କବାଟ ବାଡ଼େଇଥିଲେ । ବୃଦ୍ଧା କବାଟ ଖୋଲିବା ପରେ ଯୁବକଜଣଙ୍କ ଘର ଭିତରକୁ ପଶି ଆସିବା ସହ କପଡ଼ାରେ ବୃଦ୍ଧାଙ୍କ ମୁହଁ ବନ୍ଦ କରି ଦେଇଥିଲେ । ପରେ ବୃଦ୍ଧାଙ୍କୁ ଖଟ ଉପରକୁ ଠେଲି ଦେବା ସହ ଦୁଷ୍କର୍ମ ଉଦ୍ୟମ କରିଥିଲେ । ବିରୋଧ କରିବା ପରେ ଅଭିଯୁକ୍ତ ବୃଦ୍ଧାଙ୍କୁ ମାଡ଼ ମାରିବା ସହ ଘରେ ଥିବା ଦାମୀ ଜିନିଷ ନେଇ ଫେରାର ହୋଇ ଯାଇଥିଲେ ।
ସୂଚନା ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି ପୀଡ଼ିତାଙ୍କୁ ଚିକିତ୍ସା ପାଇଁ ଡ଼ାକ୍ତରଖାନାରେ ପହଞ୍ଚାଇଥିଲେ । ହୋସ ଆସିବା ପରେ ପୀଡ଼ିତା ଅଭିଯୁକ୍ତ ତାଙ୍କର ପଡ଼ୋଶୀ ଥିଲେ ବୋଲି କହିବା ସହ ତାଙ୍କ ନାମ କପିଲ କୁମାର ବୋଲି କହିଥିଲେ । ସବୁ ସୂଚନା ପାଇ ଏବେ ପୁଲିସ ଅଭିଯୁକ୍ତକୁ ଖୋଜିବା ଆରମ୍ଭ କରିଛି ।