ଅନ୍ୟ ପୁରୁଷ ସହ ଅବୈଧ ସଂପର୍କ ଥିବା ସନ୍ଦେହରେ ସ୍ତ୍ରୀକୁ ହତ୍ୟା କରି ରାତି ସାରା ଶବ ପାଖରେ ଶୋଇ ରହିଥିଲା ସ୍ୱାମୀ
ନୂଆଦିଲ୍ଲୀ: ପର ପୁରୁଷ ସହ ଅବୈଧ ସଂପର୍କ ଥିବା ନେଇ ସନ୍ଦେହ କରି ନିଜ ପତ୍ନୀକୁ ହତ୍ୟା କରିଥିବାରୁ ଅଭିଯୁକ୍ତ ସ୍ୱାମୀକୁ ଗିରଫ କରିଛି ପୁଲିସ । ଅଭିଯୁକ୍ତ ଦିଲ୍ଲୀର ନିହାଲ ବିହାରରେ ରହୁଥିବା ବେଳେ ସେ ନିଜ ଦୋଷ ସ୍ୱୀକାର କରି ନେଇଥିବା କହିଛି ପୁଲିସ । ହତ୍ୟା ପରେ ଅଭିଯୁକ୍ତ ରାତି ସାରା ନିଜ ମୃତ ପତ୍ନୀଙ୍କ ପାଖରେ ଶୋଇଥିବା ବେଳେ ସକାଳୁ ସକାଳୁ ଫେରାର ହୋଇ ଯାଇଥିଲା ବୋଲି ପୁଲିସକୁ ଜଣାଇଛି । ସବୁ ସତ ସାମ୍ନାକୁ ଆସିବା ପରେ ଅଭିଯୁକ୍ତ ବିରୋଧରେ ହତ୍ୟା ମାମଲା ରଜୁ କରାଯାଇଛି ବୋଲି କହିଛନ୍ତି ଡିସିପି ସେଜୁ କୁରୁବିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ ଗୁରୁବାର ନିହାଲ ବିହାରରେ ଥିବା ଏକ ଘରୁ ବବ୍ଲି ନାମକ ଜଣେ ମହିଳାଙ୍କ ଶବ ମିଳିବା ପରେ ପୁଲିସକୁ ଖବର ଦିଆ ଯାଇଥିଲା । ତଦନ୍ତ ପରେ ବବ୍ଲିଙ୍କର ତାଙ୍କ ସ୍ୱାମୀଙ୍କ ସହ କିଛି ବିବାଦ ହୋଇଥିବା ସହ ହତ୍ୟା ପରଠାରୁ ସେ ଫେରାର ଥିଲେ । ଏହା ସହ ତାଙ୍କ ଫୋନ ମଧ୍ୟ ବନ୍ଦ ଥିବା ଜାଣିବାକୁ ପାଇଥିଲା ପୁଲିସ । ଏହା ପରେ ତଦନ୍ତ ଜାରି କରି ପୁଲିସ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଥିଲା । ବିବାହକୁ ୧୨ବର୍ଷ ହୋଇ ସାରିଥିଲେ ମଧ୍ୟ ପତ୍ନୀଙ୍କର ବିୟୁଟି ପାର୍ଲରରେ କାମ କରୁଥିବା ଜଣେ ଯୁବକଙ୍କ ସହ ଅବୈଧ ସଂପର୍କ ଥିବା ସନ୍ଦେହ କରୁଥିଲେ ଅଭିଯୁକ୍ତ ସ୍ୱାମୀ ପ୍ରେମ୍ । ଏ ନେଇ ଉଭୟ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ହେବାରୁ ଅଭିଯୁକ୍ତ ପ୍ରେମ୍ ବବ୍ଲିଙ୍କ ଗଳା ଚିପି ହତ୍ୟା କରିଛନ୍ତି ।