ମୋବାଇଲ୍ ଫୋନ୍ ଦେବାରେ ବିଳମ୍ବ କରିବାରୁ ଫ୍ଲିପ୍କାର୍ଟ ଡ଼େଲିଭରି ବଏକୁ ୨୦ଥର ଛୁରୀ ଭୁସିଲେ ମହିଳା
ନୂଆଦିଲ୍ଲୀ : ଅଜିକାଲି ସବୁ ଜିନିଷ ଲୋକମାନେ ଅନ୍ଲାଇନ୍ କିିଣିବା ଆରମ୍ଭ କଲେଣି । ଖାଇବାଠାରୁ ଆରମ୍ଭ କରି ପିନ୍ଧିବା ଜିନିଷ ମଧ୍ୟ ଲୋକମାନେ ଅନ୍ଲାଇନ୍ କିଣୁଛନ୍ତି । ଯେଉଁ ଲୋକମାନେ ବାହାରକୁ ଯାଇ କିଣିବାକୁ ପସନ୍ଦ କରୁ ନାହାନ୍ତି, ସେମାନେ ପ୍ରାୟତଃ ଅନ୍ଲାଇନ୍ ସପିଂ କରିଥାଆନ୍ତି । କାରଣ ବିନା କଷ୍ଟରେ ଲୋକମାନଙ୍କୁ ଘରେ ମନପସନ୍ଦର ଜିନିଷ ମିଳି ଯାଇଥାଏ । ତେବେ ଜିନିଷ ମିଳିବା ପାଇଁ ଟିକେ ବିଳମ୍ବ ହେବାରୁ କେହି କେବେ କାହାର ହତ୍ୟା ଉଦ୍ୟମ କରିବା କଥା ଆପଣ ଭାବିଛନ୍ତି କି? ଆପଣ ଏ କଥାକୁ ଭାବି ପାରୁ ନଥିବା ବେଳେ ଦିଲ୍ଲୀରେ ସେଭଳି ଏକ ଘଟଣା ଘଟି ଯାଇଛି ।
ଜଣେ ମହିଳାଙ୍କୁ ଫ୍ଲିପ୍କାର୍ଟରୁ ମଗେଇଥିବା ଜିନିଷ ଠିକ୍ ସମୟରେ ନ ମିଳିବାରୁ ସେ ଡ଼େଲିଭରି ବଏଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ବିଳମ୍ବ ହେବାରୁ ସେ ଡ଼େଲିଭରି ବଏଙ୍କୁ୨୦ଥର ଛୁରୀ ଭୁସିବା ସହ ଚନ୍ଦନ ବିହାରରେ ଥିବା ଡ଼୍ରେନରେ ଫିଙ୍ଗି ଦେଇଥିବା ସୂଚନା ମିଳିଛି । ଏଥିରେ ମହିଳାଙ୍କ ଭାଇ ତାଙ୍କ ସାଥ୍ ଦେଇଥିବା ବେଳେ ଘଟଣାର ତଦନ୍ତ କରି ପୁଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କମଲ ଦୀପ୍ ନାମକ ଜଣେ ମହିଳା ମୋବାଇଲ ଫୋନ ଅର୍ଡ଼ର କରିଥିବା ବେଳେ କୌଣସି କାରଣରୁ ଜିନିଷ ଡ଼େଲିଭରି କରିବା ପାଇଁ କେଶବଙ୍କୁ ସମୟ ଲାଗିଥିଲା । ବିଳମ୍ବରେ ପହଞ୍ଚିବା ପରେ କମଲଙ୍କ ସହ କେଶବଙ୍କର ଝଗଡ଼ା ହୋଇଥିଲା । କିଛି ସମୟ ଝଗଡ଼ା ହେବା ପରେ କମଲ ଘରେ ଥିବା ଛୁରୀ ଆଣି ତାଙ୍କୁ ଆକ୍ରମଣ କରିଥିଲେ । ଏହା ପରେ କେଶବଙ୍କ ପାଖରେ ଥିବା ୪୦,୦୦୦ଟଙ୍କା ଚୋରି କରିବା ସହ ତାଙ୍କୁ ଏକ ଡ଼୍ରେନରେ ଫିଙ୍ଗି ଦେଇଥିଲେ । ସ୍ଥାନୀୟ ଲୋକେ କେଶବଙ୍କୁ ଉଦ୍ଧାର କରି ଡ଼ାକ୍ତରଖାନାରେ ଭର୍ତ୍ତି କରିବା ସହ ପୁଲିସକୁ ସୂଚନା ଦେଇଥିଲେ । କେଶବଙ୍କ ଚେତା ଫେରିବା ପରେ ସେ ପୁଲିସକୁ ପୂରା ଘଟଣା ଜଣାଇବା ସହ ପୁଲିସ ଘଟଣା ଘଟିଥିବା ଅଞ୍ଚଳର ସିସିଟିଭି ଚେକ୍ କରିଥିଲା । ଏହା ପରେ ପୂରା ଘଟଣା ସ୍ପଷ୍ଟ ହୋଇ ଯାଇଥିଲା । ତଦନ୍ତ ପରେ ପୁଲିସ ଉକ୍ତ ମହିଳା ଏବଂ ତାଙ୍କ ଭାଇଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଥିବା ଜଣା ପଡ଼ିଛି ।