ଯୌନ ସଂପର୍କ ରଖିବାକୁ ମନା କରିବାରୁ ଫେସବୁକ୍ ବାନ୍ଧବୀଙ୍କ ଗଳାଚିପି ହତ୍ୟା କଲା ଯୁବକ
ପାଲଘର : ଯୌନ ସଂପର୍କକୁ ନା କହିବା କାଳହେଲା । ଫେସ୍ବୁକ୍ରେ ସାଙ୍ଗ ହୋଇଥିବା ଯୁବକର ଯୌନ ସଂପର୍କ ରଖିବା ପ୍ରସ୍ତାବକୁ ପ୍ରତ୍ୟାଖାନ କରିବାରୁ ଜୋତା ଲେସ୍ରେ ଗଳା ଚିପି ହତ୍ୟା କଲା ଯୁବକ । ହତ୍ୟା ପରେ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ନଲ୍ଲାଶୋପରେରେ ରହୁଥିବା ୨୫ ବର୍ଷିୟ ହରିଦାସ ନିର୍ଗୁଡ଼େ ନାମକ ଜଣେ ଯୁବକ କିଛି ଦିନ ପୂର୍ବରୁ ଅଙ୍କିତା ମୋରେ(୨୦)ଙ୍କ ସହ ଫେସ୍ବୁକ୍ ମାଧ୍ୟମରେ ପରିଚିତ ହୋଇଥିଲେ । ରବିବାର ଦିନ ହରିଦାସ ଅଙ୍କିତାଙ୍କୁ ନିଜ ଘରକୁ ଡ଼ାକିଥିଲେ । ପ୍ରଥମେ ସେ ମନା କରିଥିଲେ ମଧ୍ୟ ହରିଦାସ ବାଧ୍ୟ କରିବାରୁ ସେ ତାଙ୍କ ଘରକୁ ଆସିବାକୁ ରାଜି ହୋଇଥିଲେ । ଅଙ୍କିତା ହରିଦାସଙ୍କ ଘରେ ପହଞ୍ଚିବାର କିଛି ସମୟ ପରେ ହରିଦାସ ତାଙ୍କୁ ଯୌନ ସଂପର୍କ ରଖିବାର ପ୍ରସ୍ତାବ ଦେଇଥିଲେ । ଏ କଥା ଶୁଣିବା ପରେ ଅଙ୍କିତା ରାଗି ଯାଇ ଏହା ସେ କରି ପାରିବେ ନାହିଁ ବୋଲି କହିଥିଲେ । ଅଙ୍କିତାଙ୍କଠାରୁ ନା ଶୁଣିବା ପରେ ହରିଦାସ ରାଗି ଯାଇ ଏକ ଜୋତା ଲେସ୍ରେ ତାଙ୍କ ଗଳା ଚିପି ହତ୍ୟା କରିଥିଲେ । ହତ୍ୟା କରି ସାରିବା ପରେ ତାଙ୍କ ମୃତଦେହକୁ ଘର ପାଖରେ ଥିବା ଏକ ଖୋଲା ସ୍ଥାନରେ ନେଇ ଫିଙ୍ଗି ଦେଇଥିଲେ ।
ସ୍ଥାନୀୟ ଲୋକେ ମୃତଦେହକୁ ଦେଖି ପୁଲିସକୁ ସୂଚନା ଦେବା ପରେ ଘଟଣାସ୍ଥଳରେ ପହଞ୍ଚି ପୁଲିସ ତଦନ୍ତ ଆରମ୍ଭ କରିଥିଲା । ତଦନ୍ତ ପରେ ହରିଦାସଙ୍କ ଉପରେ ସନ୍ଦେହ କରି ପୁଲିସ ପଚରା ଉଚରା କରିବା ପରେ ସେ ସବୁ ଦୋଷ ମାନି ନେଇଥିଲେ ।