ଆୟକର ଦାଖଲ ବେଳେ ବାର୍ଷିକ ଆୟ ୪୦ଲକ୍ଷ ଟଙ୍କା ଦର୍ଶାଇ ଧରାପଡ଼ିଲେ ଶ୍ରମିକ; ଚଳାଇଥିଲେ ଗଞ୍ଜେଇ ବେପାର
ବେଙ୍ଗାଲୁରୁ : ନିଜର ବାର୍ଷିକ ଆୟ ୪୦ଲକ୍ଷ ଟଙ୍କା ଦର୍ଶାଇ ଆୟକର ରିଟର୍ନ ଦାଖଲ କରିବା ସମୟରେ ପୁଲିସ ହାତରେ ଧରା ପଡ଼ିଛନ୍ତି ନିର୍ମାଣ ଶ୍ରମିକ ରଚପ୍ପା ରାଙ୍ଗା । ଗଞ୍ଜେଇ ଏବଂ ଡ଼୍ରଗ୍ସ ବିକ୍ରି କରି ସେ ବେଆଇନରେ ଟଙ୍କା ଆୟ କରୁଥିବା ପୁଲିସ ତଦନ୍ତରୁ ଜଣା ପଡ଼ିବା ପରେ ତାଙ୍କୁ ଗିରଫ କରାଯାଇଛି । ଏହା ସହ କୋରାମଙ୍ଗଳ ପୁଲିସ ୨୬ କେ.ଜି ଗଞ୍ଜେଇ ଏବଂ ୫ ଲକ୍ଷ ନଗଦ ଟଙ୍କା ଜବତ କରିବା ସହ ଅଭିଯୁକ୍ତ ରଚପ୍ପା ରଙ୍ଗା ଏବଂ ତାଙ୍କ ସାଥୀ ଶ୍ରୀନିବାସଙ୍କୁ ପୁଲିସ ଗିରଫ କରିଥିବା ବେଳେ ତାଙ୍କର ଅନ୍ୟ ଏକ ସାଥୀ ସଶୁ ଖସି ଯାଇଥିବା ଜଣାପଡ଼ିଛି । ପୁଷ୍ପାପୂରା, ଚମରାଜନଗରରେ ୧୨ବର୍ଷ ପୂର୍ବରୁ ରହୁଥିବା ରଚପ୍ପା ରଙ୍ଗା ନିଜର ବେଆଇନ କାମ ଆରମ୍ଭ କରିବା ପାଇଁ ଆସି କନକପୂରା ରୋଡ଼ ରହିଥିଲୋ
Sambad is now on WhatsApp
Join and get latest news updates delivered to you via WhatsApp
୨୦୧୭-୧୮ବର୍ଷ ପାଇଁ ଆୟକର ଦାଖଲ କରିବା ସମୟରେ ପ୍ରଥମେ ସେ ପୁଲିସ ନଜରରେ ଆସିଥିଲେ । ବାର୍ଷିକ ଆୟ ୪୦ଲକ୍ଷ ଦର୍ଶାଇଥିବାରୁ ଆୟକର ବିଭାଗର ରଚପ୍ପାଙ୍କ ଉପରେ ସନ୍ଦେହ ଆସିଥିଲା । ଏହା ପରେ ସେ ପୁଲିଙ୍କୁ ରଚପ୍ପାଙ୍କ ଉପରେ ନଜର ରଖିବାକୁ କହିଥିଲେ । ପୁଲିସ ଏ ନେଇ ଖବର ପାଇବା ପରେ ରଚପ୍ପାଙ୍କ ଉପରେ ନଜର ରଖିବା ଆରମ୍ଭ କରିଥିଲେ । ଚୋରାରେ ଗଞ୍ଜେଇ କରୁଥିବା ରଚପ୍ପା ୨୦୧୩ରେ ଜଣେ କନଷ୍ଟ୍ରକ୍ସନ ଲେବର ଥିଲେ । ଯୁବପିଢ଼ିଙ୍କୁ ଚାକିରି ଦେବା ଏବଂ ଡ଼୍ରଗ୍ ବିକ୍ରି କରି ସେ କୋଟି କୋଟି ଟଙ୍କା କମାଉଥିବା ପୁଲିସ ଜାଣିବାକୁ ପାଇଥିଲା । ଏହା ସହ କନକପୂରାରେ ଥିବା ଘର ପାଇଁ ସେ ମାସିକ ଭଡ଼ା ୪୦,୦୦୦ଦେବା ସହ ଏକ ବିଳାସପୂର୍ଣ୍ଣ ଗାଡ଼ି ମଧ୍ୟ ବ୍ୟବହାର କରୁଥିବା ତଦନ୍ତ ପରେ ପୁଲିସ ଜାଣି ପାରିଥିଲା । ଏତେ ସବୁ ସୂଚନା ପାଇବା ପରେ ରଚପ୍ପା ଏବଂ ତାର ସାଥୀମାନଙ୍କୁ ଗିରଫ କରିବା ପାଇଁ ଜାନୁଆରି ୨୦ରେ ଏକ ହୋଟେଲରେ ଯାଇ ପହଞ୍ଚିବା ପରେ ରଚପ୍ପା ଏବଂ ଶ୍ରୀନିବାସଙ୍କୁ ଧରିବାରେ ସଫଳ ହୋଇଥିଲା ।
କିନ୍ତୁ ସେମାନଙ୍କର ଅନ୍ୟ ଏକ ସାଥୀ ସଶୁ ସେଠାରୁ ଖସି ପଳାଇବାରେ ସମର୍ଥ ହୋଇଥିଲା । ସୂଚନା ଅନୁଯାୟୀ, ପ୍ରତି ମାସରେ ସେମାନେ ୩୦ କେଜି ଗଞ୍ଜେଇ ବିକ୍ରି କରିବା ସହ ଗୋଟେ କେଜି ପିଛା ୩୦,୦୦୦ହଜାର ଟଙ୍କା ଆୟ କରୁଥିଲେ ବୋଲି ଜଣା ପଡ଼ିଛି ।