ଦୁଇମାସ ପରେ ଜାଖମ ହତ୍ୟାକାଣ୍ଡର ପର୍ଦାଫାସ: ୮ ଗିରଫ, ୨ ଭୁଜାଲି ଓ ବାଇକ ଜବତ Latestଅପରାଧ By Sambad Digital Last updated Oct 28, 2020 ସେୟାର ଭବାନୀପାଟଣା: କଳାହାଣ୍ଡି ଜିଲ୍ଲାର ଭବାନୀପାଟଣା ସଦର ଥାନା ଅନ୍ତର୍ଗତ ଜାଖମ ନିକଟରେ ଗତ ଅଗଷ୍ଟ ୨୯ ତାରିଖରେ ଗୋଟିଏ ସ୍କୁଟି ପଡିବା ସହିତ ୨ ଯୁବକଙ୍କୁ ହତ୍ୟା କରାଯାଇଥିଲା । ଦୀର୍ଘ ଦୁଇମାସ ପରେ ଆଜି ସଦରଥାନା ପୁଲିସ ୮ ଜଣ ଆସାମୀଙ୍କୁ ଗିରଫ କରି କୋର୍ଟ ଚାଲାଣ କରିବା ସହିତ ୨ ଭୁଜାଲି ଓ ଗୋଟିଏ ବାଇକ ଜବତ କରିବା ଘଟଣା ଏଠାରେ ଚାଞ୍ଚଲ୍ୟ ଖେଳି ଯାଇଛି । Sambad is now on WhatsApp Join and get latest news updates delivered to you via WhatsApp Join Now ପୁଲିସ ସୂତ୍ରରୁ ପ୍ରକାଶ ଯେ,ଗତ ଅଗଷ୍ଟ ୨୯ ତାରିଖ ଦିନ ଭବାନୀପାଟଣା ସଦର ଥାନା ଅନ୍ତର୍ଗତ ନାକଝରି ଗ୍ରାମର ମୋହନ ସୁନାନୀ(୨୧) ଓ ଶଗଡା ଗ୍ରାମର ବିଜୟ ନାଏକ(୩୪)ଙ୍କୁ ଜାଖମ ନିକଟସ୍ଥ ରାସ୍ତା କଡରେ ଭୁଜାଲିରେ ବିବତ୍ସ ଭାବେ ହତ୍ୟା କରି ଫିନଗ ଦେବା ସହିତ ସେମାନଙ୍କ ସ୍କୁଟିକୁ ପୋଡ଼ିଦେଇ ଆସାମୀମାନେ ଫେରାର ହୋଇଥିଲେ । ଏନେଇ ପରିବାର ଲୋକେ ସଦର ଥାନା ପୁଲିସ କୁ ଜଣାଇବା ପରେ ସଦର ପୁଲିସ ଆଇଆଇସି ପ୍ରଦୀପ କୁମାର ଧରୁଆ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ । ଦୀର୍ଘ ଦୁଇ ମାସ ପରେ ଆଜି ଥୁଆମୂଳ ରାମପୁର ଥାନା ଅନ୍ତର୍ଗତପୁଲିଂପଦର ଗ୍ରାମର ମହେନ୍ଦ୍ର କୁମାର ମାଝୀ(୪୮), ନାକରୁଣ୍ଡି ଗ୍ରାମର ଲବ ନାଏକ(୨୧), ରଣପୁର ଗ୍ରାମର ରବି ନାଏକ(୪୮) ଓ ବଳଦେବ ନାଏକ (୪୯), କିଆପଦର ଗ୍ରାମର ସନ୍ତୋଷ କୁମାର ମାଝୀ(୨୭), ନାକରୁଣ୍ଡି ଗ୍ରାମର ବସନ୍ତ ନାଏକ(୩୦), ମୋହନଗିରି ଗ୍ରାମର ସୁରେନ୍ଦ୍ର ନାଏକ ଓରଫ ମୁନା(୨୪), ଭବାନୀପାଟଣା ସଦର ଥାନା ଅନ୍ତର୍ଗତ ଅଟାଙ୍ଗଗୁଡାର ବିରଞ୍ଚି ଧରୁଆ(୨୮) ସମେତ ୮ ଜଣଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି । ଗିରଫ ଆସାମୀମାନଙ୍କ ଠାରୁ ହତ୍ୟାକାଣ୍ଡ ରେ ବ୍ୟବହୃତ ୨ଟି ଭୁଜାଲି ଓ ଗୋଟିଏ ବାଇକ ପୁଲିସ ଜବତ କରିଛି ।