ମାନବିକତାର ସବୁ ସୀମା ଟପିଲା ଦାଦା, ହେରୋଇନ୍ ଦେଇ ଝିଆରୀ ସହ ଦୁଷ୍କର୍ମ କରିବା ସହ ସାଙ୍ଗମାନଙ୍କ ଦ୍ୱାରା କରାଇଲା ଦୁଷ୍କର୍ମ
ହୋସିଆରପୁର: ପଞ୍ଜାବର ହୋସିଆରପୁରରେ ଘଟିଛି ଏକ ଆଶ୍ଚର୍ଯ୍ୟ କଲାଭଳି ଘଟଣା । ଦାଦା ହୋଇ ଝିଆରୀ ସହ ଦୁଷ୍କର୍ମ ଏବଂ ଘଟଣାର ଅଶ୍ଲୀଳ ଭିଡ଼ିଓ ତିଆରି କରିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ନିଜେ ଦୁଷ୍କର୍ମ କରିବା ସହ ସାଙ୍ଗମାନଙ୍କୁ ଡ଼ାକି ଦୁଷ୍କର୍ମ କରାଇବା ଖବର ସମସ୍ତଙ୍କୁ ତଟସ୍ଥ କରିଦେଇଛି। ଏ ନେଇ ପୀଡ଼ିତା ଏବେ ଲିଖିତ ଅଭିଯୋଗ ଦେଇଥିବା ବେଳେ ଅଭିଯୁକ୍ତମାନଙ୍କୁ ଖୋଜିବା ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୬ରେ ପୀଡ଼ିତାଙ୍କ ମୁଣ୍ଡ ବିନ୍ଧା ହେବାରୁ ପୀଡ଼ିତା ନିଜ ଦାଦା ରାଜେଶ କୁମାରଙ୍କୁ ମୁଣ୍ଡ ବିନ୍ଧା ବିଷୟରେ ଜଣାଇଥିଲେ । ରାଜେଶ ମୁଣ୍ଡ ବିନ୍ଧାର ଔଷଧ ଦେବା ପରିବର୍ତ୍ତେ ପାଣିରେ ହେରୋଇନ୍ ମିଶାଇ ପୀଡ଼ିତାଙ୍କ ନାକରେ ପକାଇଥିଲେ । ପରେ ଯେତେବେଳେ ପୀଡ଼ିତାଙ୍କ ମୁଣ୍ଡ ବିନ୍ଧା ହେଉଥିଲା ରାଜେଶ ତାଙ୍କୁ ହେରୋଇନ୍ ଦେବା ଆରମ୍ଭ କରିଥିଲେ । ଧିରେ ଧିରେ ହେରୋଇନ୍ ନେବା ପୀଡ଼ିତାଙ୍କ ଅଭ୍ୟାସରେ ପରିଣତ ହୋଇ ଯାଇଥିଲା । କିନ୍ତୁ ପୀଡ଼ିତା ହେରୋଇନ୍ ନେଉଛନ୍ତି ବୋଲି ତାଙ୍କୁ ଜଣା ନଥିଲା । ହେରୋଇନ୍ ନ ନେଲେ ପୀଡ଼ିତା ଥକାପଣ ଅନୁଭବ କରିବା ସହ କୌଣସି କାମ କରିବାକୁ ଇଚ୍ଛା କରୁ ନଥିଲେ । ଯେତେବେଳେ ସେ ହେରୋଇନ୍କୁ ଔଷଧ ବୋଲି ଭାବି ଦାଦାଙ୍କ ପାଖକୁ ଯାଉଥିଲେ ।
ରାଜେଶ ଔଷଧ ଦେବା ବଦଳରେ ପୀଡ଼ିତାଙ୍କ ସହ ଶାରୀରିକ ସଂପର୍କ ରଖୁଥିଲେ । ଏହି ସମୟର ଭିଡ଼ିଓ ତିଆରି କରି ରାଜେଶ ପୀଡ଼ିତାଙ୍କୁ ନିଜ ସାଙ୍ଗମାନଙ୍କ ସହ ମଧ୍ୟ ଶରୀରିକ ସଂପର୍କ ରଖିବା ପାଇଁ କହିଥିଲେ । ଦୁଇ ବର୍ଷ ଏପରି ଚାଲିବା ପରେ ପୀଡ଼ିତା ରାଜେଶଙ୍କ ଫୋନରେ ଥିବା ଭିଡ଼ିଓ ନେଇ ପୁଲିସ ପାଖରେ ପହଞ୍ଚିଥିଲେ । ଏବେ ଏହି ଘଟଣାକୁ ନେଇ ଅଭିଯୋଗ କରାଯାଇଥିବା ବେଳେ ଅଭିଯୁକ୍ତ ରାଜେଶକୁ ଖୋଜିବା ଆରମ୍ଭ କରିଛି ପୁଲିସ ।