ଅନ୍ୟ କୌଣସି ବାଟ ନ ପାଇ ଦଶମ ପରୀକ୍ଷା ଖାତାରେ ନିଜ ସହ ହୋଇଥିବା ଯୌନ ଶୋଷଣ ବିଷୟରେ ଲେଖିଲେ ପୀଡ଼ିତା, ତା’ ପରେ…
ଗୁରୁଗ୍ରାମ: ଗୁରୁଗ୍ରାମରେ ଜଣେ ଦଶମ ଶ୍ରେଣୀର ଛାତ୍ରୀ ଯେଉଁ ଭଳି ଭାବରେ ନିଜ ସହ ହେଉଥିବା ଯୌନ ଶୋଷଣର ମାମଲା ସାମ୍ନାକୁ ଆଣିଥିଲେ ତାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ନିଜ ସହ ଘଟୁଥିବା ଶୋଷଣ ବିଷୟରେ ସେ କାହାକୁ କହି ପାରୁ ନଥିବା ବେଳେ ଏହାକୁ ପୁଲିସ ପାଖରେ ପହଞ୍ଚାଇବା ପାଇଁ ସେ ଏକ ଭିନ୍ନ ଉପାୟ ଆପଣାଇଥିଲେ । ଦଶମ ପରୀକ୍ଷା ଚାଲୁଥିବା ବେଳେ ସେ ପ୍ରଶ୍ନର ଉତ୍ତର ନ ଲେଖି ନିଜ ସହ ଘଟୁଥିବା ଯୌନ ଶୋଷଣ ବିଷୟରେ ପରୀକ୍ଷା ଖାତାରେ ଲେଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ଯାହାକୁ ଦେଖିବା ପରେ ସ୍କୁଲର ଶିକ୍ଷୟିତ୍ରୀ ପୁଲିସରେ ଅଭିଯୋଗ କରି ପୀଡ଼ିତାଙ୍କ ଦାଦା ଏବଂ ସଂପର୍କୀୟ ଭାଇଙ୍କୁ ଗିରଫ କରାଇଥିଲେ । ଗିରଫ ହେବା ପରେ ପୀଡ଼ିତାଙ୍କ ଦାଦାଙ୍କୁ ହାଜତକୁ ପଠାଇ ଦିଆଯାଇଥିବା ବେଳେ ଅଭିଯୁକ୍ତ ଭାଇକୁ ଫରିଦାବାଦ୍ରେ ଥିବା ବାଲ ସୁଧାର ଗୃହକୁ ପଠାଯାଇଥିବା ଜଣା ପଡ଼ିଛି ।
ସୂଚନା ମୁତାବକ, ପୀଡ଼ିତା ଏ ବିଷୟରେ ନିଜ ମାତା-ପିତାଙ୍କୁ କହିବାକୁ ସାହାସ କରି ପାରୁ ନଥିବାରୁ ପରୀକ୍ଷା ଖାତାରେ ଲେଖି ସମସ୍ତଙ୍କୁ ଜଣାଇବା ପାଇଁ ନିଷ୍ପତ୍ତି ନେଇଥିଲେ । ପଡ଼ୋଶୀ ଘରେ ରହୁଥିବା ଦାଦା ଏବଂ ସଂପର୍କୀୟ ଭାଇ ସବୁ ବେଳେ ପୀଡ଼ିତାଙ୍କୁ ଅଶାଳୀନ ଭାବରେ ସ୍ପର୍ଶ କରୁଥିଲେ । ଯାହା ପାଇଁ ପୀଡ଼ିତା ମାନସିକ ସ୍ତରରେ ଚିନ୍ତିତ ରହି ଆସୁଥିଲେ ।