କଥା କହି ପାରୁ ନଥିବାରୁ ଫାଇଦା ଉଠାଇଲା ସଂପର୍କୀୟ ଦାଦା, ମିଛ କହି ଘରକୁ ନେବା ସହ କଲା ଦୁଷ୍କର୍ମ, ଏଭଳି ସଙ୍କେତ ନେଇ ନିଜକୁ ବଞ୍ଚାଇଲେ ପୀଡ଼ିତା
କାଙ୍କେର(ଛତିଶଗଡ଼) : ଛତିଶଗଡ଼ରେ ଜଣେ ନାବାଳିକା ଦୁଷ୍କର୍ମର ଶିକାର ହୋଇଥିବା ଖବର ମିଳିଛି । ପୀଡ଼ିତାଜଣଙ୍କ ମୁକ ହୋଇଥିବାରୁ ତାଙ୍କର ସଂପର୍କୀୟ ଦାଦା ଏହାର ଫାଇଦା ଉଠାଇବା ସହ ଘରକୁ ନେଇ ଦୁଷ୍କର୍ମ କରିବା ଖବର ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏ ନେଇ ଅଭିଯୋଗ କରାଯାଇଥିବା ବେଳେ ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଘରେ କେହି ନ ଥିବା ବେଳେ ଅଭିଯୁକ୍ତ ପୀଡ଼ିତାଙ୍କୁ କିଛି ଦେବା ବାହାନାରେ ନିଜ ଘରକୁ ଡ଼ାକି ନେଇଥିଲେ । ସେଠାରେ ପହଞ୍ଚିବା ପରେ ଘରର କବାଟ ଦେଇ ପୀଡ଼ିତାଙ୍କ ସହ ଦୁଷ୍କର୍ମ କରିଥିଲେ । ଅନ୍ୟ ପକ୍ଷରେ, ପୀଡ଼ିତା ଘରକୁ ନ ଫେରିବା ଦେଖି ତାଙ୍କ ବଡ଼ ଭଉଣୀ ଏବଂ ଖୁଢ଼ି ଖୋଜିବାକୁ ବାହାରି କିଛି ବାଟ ଯିବା ପରେ ଚୁଢ଼ିର ଶବ୍ଦ ଶୁଭିଥିଲା । ଚୁଡ଼ି ବାଜିବାର ଶୈଳୀରୁ ଦୁହେଁ ପୀଡ଼ିତା ତାଙ୍କ ସଂପର୍କୀୟ ଦାଦାଙ୍କ ଘରେ ଥିବା ଜାଣି ପାରିଥିଲେ ।
ଦୁହେଁ ଭିତରକୁ ଯିବା ପରେ ପୀଡ଼ିତା ତଳେ ଉଲଗ୍ନ ଅବସ୍ଥାରେ ପଡ଼ିଥିବା ବେଳେ ଅଭିଯୁକ୍ତ ଦାଦା ଏକ କୋଣରେ ପୋଷାକ ପିନ୍ଧୁଥିବାର ଦେଖିଥିଲେ । ସେଠାରୁ ପୀଡ଼ିତାଙ୍କୁ ଉଦ୍ଧାର କରି ସିଧା ପୁଲିସ ଷ୍ଟେସନରେ ପହଞ୍ଚିଥିଲେ ପୀଡ଼ିତାଙ୍କ ପରିବାର ଲୋକେ । ଏ ନେଇ ଅଭିଯୋଗ କରାଯାଇଥିବା ବେଳେ ତଦନ୍ତ ଆରମ୍ଭ କରିଛି ପୁଲିସ ।