ସପିଂ ବାହାନାରେ ଡାକି ସିନେମା ହଲରେ ନାବାଳିକାଙ୍କୁ ଗଣଦୁଷ୍କର୍ମ
ଲକ୍ଷ୍ନୌ : ଉତ୍ତରପ୍ରଦେଶର ମିରଟ ଜିଲ୍ଲାଠାରେ ଘଟିଛି ଏକ ଅଭାବନୀୟ ଘଟଣା । ଜଣେ ୧୬ ବର୍ଷର ବାଳିକାକୁ ଏକ ସିନେମା ହଲ ମଧ୍ୟରେ କରାଯାଇଛି ଗଣଦୁଷ୍କର୍ମ । ପୋଲିସ ଏହି ଘଟଣା ସହ ଜଡ଼ିତ ଥିବା ୨ ଜଣ ଅଭିଯୁକ୍ତଙ୍କୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ଦୁଇ ମାସ ପୂର୍ବେ ଅଭିଯୁକ୍ତଙ୍କ ସହ ଟେଲିଫୋନ ଯୋଗେ କଥାବାର୍ତ୍ତା ଆରମ୍ଭ କରିଥିଲେ ପୀଡ଼ିତା। ମଙ୍ଗଳବାର ଦିନ ଅଭିଯୁକ୍ତ ପୀଡ଼ିତାଙ୍କୁ ସପିଙ୍ଗ କରିବା ପାଇଁ ଡ଼ାକିଥିଲେ । ସପିଙ୍ଗ ସରିବା ପରେ ଦୁହେଁ ଚଳଚ୍ଚିତ୍ର ଦେଖିବା ପାଇଁ ସିନେମା ହଲ ଯାଇଥିଲେ । ସେଠାରେ ପୂର୍ବରୁ ହିଁ ଦ୍ୱିତୀୟ ଅଭିଯୁକ୍ତ ଉପସ୍ଥିତ ଥିଲେ । ଚଳଚ୍ଚିତ୍ର ଆରମ୍ଭ ସମୟରେ ଦୁହେଁ ପୀଡ଼ିତାଙ୍କୁ ଜବରଦସ୍ତି ସିନେମା ହଲର ଏକ ନିଛାଟିଆ ସ୍ଥାନକୁ ନେଇ ଦୁଷ୍କର୍ମ କରିଥିଲେ। ଦୁଷ୍କର୍ମ ପରେ ଅଭିଯୁକ୍ତମାନେ ବାଇକ୍ରେ ପୀଡ଼ିତାଙ୍କୁ ମୁଜାଫାରନଗର ନେଇଥିଲେ । ସେମାନଙ୍କ କବଳରୁ ଖସିବା ପରେ ପୀଡ଼ିତା ପୁଲିସରେ ଖବର ଦେଇଥିଲେ। ପୁଲିସ ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ବାଇକ୍ଟିକୁ ଜବତ କରିଛି।