ଏହା ସବୁ ଘରେ ସବୁ ବାପ-ଝିଅଙ୍କ ମଧ୍ୟରେ ହୁଏ ବୋଲି କହି ୬ମାସ ପର୍ଯ୍ୟନ୍ତ ନାବାଳିକା ଝିଅ ସହ ଦୁଷ୍କର୍ମ କରୁଥିଲା ବାପା
ଗୁରୁଗ୍ରାମ: ସଂପ୍ରତି ମହାମାରୀ ପରି ବ୍ୟାପି ଚାଲିଥିବା ଦୁଷ୍କର୍ମ ଘଟଣା ସବୁ ଏବେ ଲୋକମାନଙ୍କୁ ଏହା ଉପରେ ଗମ୍ଭୀରତାର ସହ ଭାବିବା ପାଇଁ ବାଧ୍ୟ କରୁଥିବା ବେଳେ ଗୁରୁଗ୍ରାମରେ ଘଟିଥିବା ପୁଣି ଏକ ଜଘନ୍ୟ ଦୁଷ୍କର୍ମ ଘଟଣା ସାମ୍ନାକୁ ଆସିଛି । ଜଣେ ବାପା ହୋଇ ମଧ୍ୟ ନିଜ ଝିଅ ସହ ଥିବା ପବିତ୍ର ସଂପର୍କକୁ ଭୁଲି ଯାଇ ସାଜିଛି ଝିଅର ଦୁଷ୍କର୍ମକାରୀ । ନାବାଳିକା ଝିଅ ସହ ଗାଁରେ ଥିବା ଏକ ଫ୍ୟାକ୍ଟ୍ରିରେ ୬ମାସ ପର୍ଯ୍ୟନ୍ତ ଦୁଷ୍କର୍ମ କରି ଆସୁଥିବା ବାପା, ବାପ-ଝିଅ ମଧ୍ୟରେ ଏହା ଅତି ସାଧାରଣ ବୋଲି ନିଜ ଝିଅକୁ ବୁଝାଇ ତା’ ସହ ଏପରି ଜଘନ୍ୟ ଅପରାଧ କରିଥିବା ସୂଚନା ମିଳିଛି । ଏପରି କରିବାରେ କୌଣସି ଅପରାଧ ନାହିଁ ବୋଲି ଅଭିଯୁକ୍ତ ବାପା ପୀଡ଼ିତାଙ୍କୁ କହିବା ସହ ତାଙ୍କ ସହ ଦୁଷ୍କର୍ମ କରି ଆସୁଥିଲେ ବୋଲି ଅଭିଯୋଗ ହୋଇଛି । ଏହି ଘଟଣା ସାମ୍ନାକୁ ଆସିବା ପରେ ପୀଡ଼ିତାଙ୍କ ସାବତ ମା’ ପୁଲିସରେ ଯାଇ ଏତଲା ଦେଇଥିଲେ । ଅଭିଯୋଗ ପାଇ ପୁଲିସ ଅଭିଯୁକ୍ତ ବାପାକୁ ଗିରଫ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ଗୁରୁଗ୍ରାମର ଏକ ଫ୍ୟାକ୍ଟ୍ରିରେ କାମ କରିବା ସହ ସେହି ପାଖରେ ଥିବା ଘରେ ନିଜ ଦ୍ୱିତୀୟ ସ୍ତ୍ରୀ ଏବଂ ୪ଜଣ ପିଲାଙ୍କୁ ନେଇ ରହୁଥିଲା ଅଭିଯୁକ୍ତ । ପ୍ରଥମ ସ୍ତ୍ରୀ ମୃତ୍ୟୁବରଣ କରି ସାରିଥିବାରୁ ପ୍ରଥମ ସ୍ତ୍ରୀ ଠାରୁ ଜନ୍ମ ନେଇଥିବା ଝିଅ ଅଭିଯୁକ୍ତ ସହ ରହି ଆସୁଥିଲେ । ଯାହାର ଫାଇଦା ଉଠାଇଥିଲା ଅଭିଯୁକ୍ତ ବାପା । ବାପ-ଝିଅଙ୍କ ମଧ୍ୟରେ ଏଭଳି ସଂପର୍କ ସବୁ ଘରେ ରହିଥାଏ ବୋଲି କହି ୬ମାସ ପର୍ଯ୍ୟନ୍ତ ଦୁଷ୍କର୍ମ କରୁଥିଲା ବାପା । ଏନେଇ ପୀଡ଼ିତା ଜଣଙ୍କ ନିଜ ସାବତ ମା’ଙ୍କୁ ଜଣାଇବା ପରେ ସେ ପ୍ରଥମେ ବିଶ୍ୱାସ କରି ନଥିଲେ । କିନ୍ତୁ ପରେ ସତ୍ୟତା ଜାଣିବା ପାଇଁ ଶୁକ୍ରବାର କାମରୁ ଶୀଘ୍ର ଘରକୁ ଫେରିବା ପରେ ସବୁ ସତ ତାଙ୍କ ସାମ୍ନାକୁ ଆସି ଯାଇଥିଲା । ଗୋଟେ ବାପ ଏପରି କରୁଥିବା ଦେଖି ତୁରନ୍ତ ଯାଇ ପୁଲିସରେ ଏତଲା ଦେଇଥିଲେ ସାବତ ମା’ । ଯାହା ପରେ ଅଭିଯୁକ୍ତ ବାପାକୁ ଗିରଫ କରାଯାଇଥିଲା ବୋଲି ଜଣା ପଡ଼ିଛି ।