ଫେସ୍ବୁକ୍ ଲାଇଭ୍ କରି ବିଷ ପିଇଲେ ହରିୟାଣାର ଏହି ଲୋକପ୍ରିୟ ଗାୟିକା,ଏହା ଥିଲା କାରଣ
ନୂଆଦିଲ୍ଲୀ : ହରିୟାଣାର ଜଣାଶୁଣା ଗାୟିକା ଏବଂ ନୃତ୍ୟଶିଳ୍ପୀ ଅନାମିକା ବାବା ଫେସ୍ବୁକ୍ ଲାଇଭ୍ କରି ଆତ୍ମହତ୍ୟା ଉଦ୍ୟମ କରିବା ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଛି । ନିଜ ସ୍ୱାମୀ ସହ ତାଙ୍କର ଝଗଡ଼ା ହେବାରୁ ସେ ଏଭଳି ପଦକ୍ଷେପ ନେଇଥିବା ସୂଚନା ମିଳିଛି । ୩୦ ବର୍ଷୀୟ ଅନାମିକା ‘ଆନେ ବି’ ନାମରେ ହରିୟାଣାରେ ପ୍ରସିଦ୍ଧ । ତାଙ୍କୁ ଲୋକେ ଅନାମିକା ପରିବର୍ତ୍ତେ ଆନେ ବି ବୋଲି ଡ଼ାକିଥାନ୍ତି । ଆତ୍ମହତ୍ୟା କରିବା ପୂର୍ବରୁ ସେ ଫେସ୍ବୁକ୍ରେ ଲାଇଭ୍ କରି ନିଜ ସ୍ୱାମୀଙ୍କ ଉପରେ ଅନେକ ଗମ୍ଭୀର ଆରୋପ ଲଗାଇଥିଲେ । ତାଙ୍କ ସ୍ୱାମୀଙ୍କର ଅନ୍ୟ ମହିଳାଙ୍କ ସହ ଅନୈତିକ ସଂପର୍କ ଥିବାର ଆରୋପ ଲଗାଇ ଅନାମିକା ବିଷ ପିିଇ ଦେଇଥିଲେ । ଯାହା ପରେ ତାଙ୍କୁ ହିସାର ସିଭିଲ୍ ମେଡ଼ିକାଲ କଲେଜରେ ଭର୍ତ୍ତି କରାଯାଇଥିଲା । ଡ଼ାକ୍ତର ତୁରନ୍ତ ଚିକିତ୍ସା ଆରମ୍ଭ କରିଥିବା ବେଳେ ଏବେ ଅନାମିକାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୧୨ ବର୍ଷ ହେଲାଣି ଗୀତ ଗାଇ ଲୋକମାନଙ୍କ ମନୋରଞ୍ଜନ କରି ଆସୁଥିବା ଅନାମିକାଙ୍କ ଦେଖା ରୋହତକ୍ର ଶେଖର ଖାନ୍ନାଙ୍କ ସହ ହୋଇଥିଲା । ଶେଖର ଭିଡିଓ ଏଡିଟର ଥିବା ବେଳେ ଦୁହେଁ ୨୦୧୩ରେ ବିବାହ କରି ନେଇଥିଲେ । କିନ୍ତୁ ବିବାହ ପରେ ଦୁହିଁଙ୍କ ମଧ୍ୟରେ ଝଗଡ଼ା ହେବାରୁ ଅନାମିକା ନିଜ ମା’ଙ୍କ ସହ ହିସାରରେ ରହିବାକୁ ଲାଗିଥିଲେ । ଏ ମଧ୍ୟରେ ଅନାମିକା ଶେଖରଙ୍କର ଦିଲ୍ଲୀରେ ରହୁଥିବା ଜଣେ ମହିଳାଙ୍କ ସହ ଅନୈତିକ ସଂପର୍କ ଥିବା ଜାଣିବାକୁ ପାଇଥିଲେ । ଏହା ପରେ ମହିଳାଜଣଙ୍କ ଅନାମିକାଙ୍କୁ ଫୋନ କରି ଶେଖରଙ୍କୁ ଛାଡ଼ପତ୍ର ଦେବାପାଇଁ ବାଧ୍ୟ କରି ଚାଲିଥିଲେ । ଏ ସବୁ କଥାକୁ ନେଇ ଚିନ୍ତିତ ହେବା ସହ ଶନିବାର ଅନାମିକା ଆତ୍ମହତ୍ୟା କରିବା ପାଇଁ ନିଷ୍ପତି ନେଇଥିଲେ ।