ଜୟପୁର: ହରିୟାଣାର ଜଣେ ଯବାନ ଦେଶପ୍ରତି ବିଶ୍ୱାସଘାତକତା କରିଛନ୍ତି। ସୋମବୀର ସିଂହ ନାମକ ଜଣେ ଭାରତୀୟ ସେନା ସୋସିଆଲ ମିଡିଆ ଜରିଆରେ ପାକିସ୍ତାନକୁ ଗୁପ୍ତ ସୂଚନାମାନ ପଠାଉଥିଲେ। ଯବାନ ପାକିସ୍ତାନର ଗୁଇନ୍ଦା ବିଭାଗକୁ ସୂଚନା ପଠାଉଥିବା ଅଭିଯୋଗ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ଗୁଇନ୍ଦା ଏଜେନ୍ସି ଆଇଏସ୍ଆଇର ଜଣେ ମହିଳା ଏଜେଣ୍ଟଙ୍କ ଜାଲରେ ସୋମବୀର ଫସି ଯାଇଥିଲେ। ଏହି ମାମଲା ସାମ୍ନାକୁ ଆସିବା ପରେ ଶୁକ୍ରବାର ଯବାନ ସୋମବୀରଙ୍କୁ ଗିରଫ କରାଯାଇଛି। ଇଣ୍ଟେଲିଜେନ୍ସ ଏଜେନ୍ସି ଅଧିକାରୀ ଉମେଶ ମିଶ୍ରାଙ୍କ କହିବାନୁସାରେ, କିଛିଦିନ ତଳେ ସୋସିଆଲ ମିଡିଆରେ ସନ୍ଦିଗ୍ଧ ଗତିବିଧି ପାଇଁ ସୋମବୀରଙ୍କୁ ବିଚାରବିଭାଗୀୟ ହେପାଜତକୁ ନିଆଯାଇଥିଲା। ପରେ ସୋମବୀରଙ୍କ ବିରୋଧରେ ପ୍ରମାଣ ମିଳିବା ପରେ ଗିରଫ କରାଯାଇଥିଲା। ଜୟପୁରରେ ସୋମବୀରଙ୍କୁ ପଚରାଉଚରା ଜାରି ରହିଛି। ୨୦୧୯ ଜାନୁଆରି ୧୮ ପର୍ଯ୍ୟନ୍ତ ପୁଲିସ ରିମାଣ୍ଡରେ ନେଇଛି।
ସେନା ପ୍ରଶିକ୍ଷଣ ସମୟରେ ପାକିସ୍ତାନ ଗୁଇନ୍ଦା ଏଜେନ୍ସି ଆଇଏସ୍ଆଇର ମହିଳା ଏଜେଣ୍ଟ ସମ୍ପର୍କରେ ସୋମବୀର ଆସିଥିଲେ। ମହିଳା ନିଜ ଜାଲ ବିଛାଇଥିଲେ, ଯେଉଁ ଜାଲରେ ସୋମବୀର ଫସି ଯାଇଥିଲେ।