ଝିଅ ସବୁ ସମ୍ମାନ ତଳେ ପକାଇ ଦେଲା,ଏବେ ତାକୁ ବଞ୍ଚାଇ ରଖି କିଛି ଲାଭ ନାହିଁ : ପଞ୍ଚାୟତ ବୈଠକରେ ଏହି କଥା କହିବାର ୨ଦିନ ପରେ ଝିଅକୁ ମାରିଦେଲେ ପରିବାର ଲୋକେ
ମୋରେନା(ମଧ୍ୟପ୍ରଦେଶ) : ସମାଜରେ ଲୋକମାନଙ୍କ ଚିନ୍ତାଧାରାରେ ପରିବର୍ତ୍ତନ ଆଣିବା ପାଇଁ ଅନେକ ଚେଷ୍ଟା କରାଯାଉଥିଲେ ମଧ୍ୟ ଏବେ ବି ଅନରକିଲିଂ ଭଳି ସମସ୍ୟା ଦେଖା ଦେଉଛି । ମଧ୍ୟପ୍ରଦେଶର ମୋରେନାରେ ଜଣେ ଯୁବତୀ ନିଜ ଗାଁର ଜଣେ ଯୁବକଙ୍କୁ ଭଲ ପାଉଥିବାରୁ ପରିବାର ଲୋକେ ନିଜ ଝିଅର ହତ୍ୟା କରିଥିବା ଜଣା ପଡ଼ିଛି । ସୂଚନା ମୁତାବକ, ହତ୍ୟାର ଦୁଇ ଦିନ ପୂର୍ବରୁ ଏ ଘଟଣାକୁ ନେଇ ପଞ୍ଚାୟତରେ ବୈଠକ ବସିଥିଲା । ସେଠାରେ ମୃତ ପୀଡ଼ିତାଙ୍କ ପରିବାର ଲୋକେ ନିଜ ଝିଅକୁ ମାରିଦେବେ ବୋଲି କହିଥିଲେ । ଆମର ସବୁ ସମ୍ମାନ ତଳେ ପଡ଼ିଗଲା । ଝିଅକୁ ବଞ୍ଚାଇ ରଖି କିଛି ଲାଭ ନାହିଁ ବୋଲି ପରିବାର ଲୋକେ ବୈଠକରେ ବସିଥିବା ଲୋକମାନଙ୍କୁ କହିଥିଲେ ।
Sambad is now on WhatsApp
Join and get latest news updates delivered to you via WhatsApp
ବୈଠକର ଦୁଇ ଦିନ ପରେ ପରିବାର ଲୋକେ କହିଥିବା କଥାକୁ ସତ କରି ଦେଖାଇବା ପରେ ଉକ୍ତ ବୈଠକରେ ଉପସ୍ଥିତ ଥିବା ଜଣେ ଲୋକ ପୁଲିସରେ ଏ ନେଇ ଅଭିଯୋଗ କରିବା ପରେ ଖବରଟି ସାମ୍ନାକୁ ଆସିଥିଲେ । ଖବର ପାଇ ପୁଲିସ ତଦନ୍ତ ପାଇଁ ପହଁଞ୍ଚିବା ପରେ ପୀଡ଼ିତାଙ୍କ ଶବ ସତ୍କାର କରାଯାଇ ସାରିଥିଲା । ଘଟଣାର ସତ୍ୟା ସତ୍ୟ ଜାଣିବା ପାଇଁ ପୁଲିସ ପୀଡ଼ିତାଙ୍କ ହାଡ଼ର କିଛି ଖଣ୍ଡ ଏବଂ ପାଉଁଶକୁ ଜବତ କରିଛି । ଏ ନେଇ ଅଧିକ ସୂଚନା ପାଇବା ପାଇଁ ପୁଲିସ ପୀଡ଼ିତାଙ୍କ ଘରେ ପହଁଞ୍ଚିଥିବା ବେଳେ ତାଙ୍କ ବାପା ଲକ୍ଷ୍ମଣ ଗୁଜର ଏବଂ ତାଙ୍କର ୫ଭାଇ ଘରୁ ଫେରାର ରହିଛନ୍ତି ।