ଧଉଳି: ଦୁଇ ପତ୍ନୀଙ୍କୁ ନିର୍ଯାତନା ଦେବା ପରେ ତୃତୀୟ ବିବାହ କରିଥିବା ଜଣେ ବ୍ୟକ୍ତିକୁ ଉତ୍ତରା ଫାଣ୍ଡି ପୁଲିସ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ପ୍ରତାରକ ସ୍ୱାମୀ ଜଣକ ହେଲେ ଏହି ଫାଣ୍ଡି ଅନ୍ତର୍ଗତ ଶିଉଳା ଗ୍ରାମର ସନ୍ତୋଷ ରାଉତ (୩୩)। ତେବେ ଜାମିନ ନାମଞ୍ଜୁୁର ହେବାରୁ ତାଙ୍କୁ ଜେଲ୍ ହାଜତକୁ ପଠାଇ ଦିଆଯାଇଥିବା ଉତ୍ତରା ଫାଣ୍ଡି ଅଧିକାରୀ ବେଣୁଧର ରାୟ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏ ସଂପର୍କରେ ତାଙ୍କର ପ୍ରଥମ ପତ୍ନୀ ତନୁବାଳା ରାଉତ ଓ ଦ୍ୱିତୀୟ ପତ୍ନୀ ଶୁଭଶ୍ରୀ ରାଉତ ଉତ୍ତରା ଫାଣ୍ଡିରେ ଲିଖିତ ଅଭିଯୋଗ କରିଥିଲେ। ପୁଲିସ ସୂଚନାନୁଯାୟୀ ଶିଉଳାର ଜୟକୃଷ୍ଣ ରାଉତଙ୍କ ପୁଅ ସନ୍ତୋଷ ଜଣେ ଅଟୋଚାଳକ। ଲିଜ୍ରେ ଗାଡ଼ି ଆଣି ଚଳାନ୍ତି। ୩ ବର୍ଷ ଲେଖାଏଁ ବ୍ୟବଧାନରେ ସେ ତିନି ଜଣ ଯୁବତୀଙ୍କୁ ବିବାହ କରିଛନ୍ତି। ୨୦୧୦ ମସିହାରେ ସେ ପ୍ରଥମେ କଣାସ ଥାନା ଅନ୍ତର୍ଗତ ଛାଟିଆପଡ଼ା ଗ୍ରାମର ବେଣୁଧର ରାଉତଙ୍କ ଝିଅ ତନୁବାଳା ରାଉତଙ୍କୁ ବିବାହ କରିଥିଲେ। ତାଙ୍କର ୭ ବର୍ଷର ପୁଅ ଏବେ ତନୁବାଳାଙ୍କ ପାଖରେ ରହୁଛି। ଏହାପରେ ୨୦୧୩ରେ ପିପିଲି ଥାନା ଅନ୍ତର୍ଗତ ଭଉଳ ଗ୍ରାମରେ ମାମୁଘରେ ରହୁଥିବା ଶୁଭଶ୍ରୀ ରାଉତଙ୍କୁ ବିବାହ କରିଥିଲେ। ସେମାନଙ୍କର ମଧ୍ୟ ଗୋଟିଏ ବର୍ଷକର ପୁଅ ଅଛି। ଉଭୟ ତନୁବାଳ ଓ ଶୁଭଶ୍ରୀଙ୍କୁ ସନ୍ତୋଷ ମାନସିକ ଓ ଶାରୀରିକ ଦେବା ସହ ଘରୁ ତଡ଼ି ଦେଇଥିବା ଥାନାରେ ଅଭିଯୋଗ ହୋଇଛି। ଏହାପରେ ୨୦୧୬ ମସିହାରେ ଅନୁରୂପ ଭାବେ କଟକ ଜିଲ୍ଲା ନରାଜ ଅଞ୍ଚଳର ଭାରତୀ ନାୟକଙ୍କୁ ବିବାହ କରିଥିଲେ । ବର୍ତମାନ ଦୁହେଁ ବାଲିଅନ୍ତା ଥାନା ଅଧୀନ ସତ୍ୟଭାମାପୁର ଗ୍ରାମରେ ରହୁଛନ୍ତି। ହେଲେ ଏହି ପ୍ରଥମ ଓ ଦ୍ୱିତୀୟ ପତ୍ନୀଙ୍କ ଅଭିଯୋଗକୁ ଆଧାର କରି ଫାଣ୍ଡି ପୁଲିସ କେସ୍ ନଂ ୭୧ / ୧୮ରେ ୪୯୮ ( କ ) , ୪୯୪/ ୫୦୬ ଦଫାରେ ମାମଲା ରୁଜୁ କରି ସନ୍ତୋଷକୁ ଆଜି କୋର୍ଟ ଚାଲାଣ କରିଛି।