ମାତ୍ର ୫ ଟଙ୍କା ପାଇଁ ଚାଷୀଙ୍କୁ ପିଟିପିଟି ହତ୍ୟା କଲେ ଦୋକାନୀ !
ଇନ୍ଦୋର : ଦୁନିଆରେ ଟଙ୍କା ପାଇଁ ବିଭିନ୍ନ ପ୍ରକାରର ଅପରାଧ ଘଟୁଥିବାର ଦେଖିବାକୁ ମିଳୁଛି । ନିକଟରେ ସେହିଭଳି ଏକ ଘଟଣା ମଧ୍ୟପ୍ରଦେଶର ରାଜଧାନୀ ଇନ୍ଦୋରରେ ଦେଖିବାକୁ ମିଳିଛି । ମାତ୍ର ୫ ଟଙ୍କା ପାଇଁ ଦୋକାନୀ ଜଣେ ଚାଷୀଙ୍କୁ ପିଟିପିଟି ହତ୍ୟା କରିଥିବା ଘଟଣା ସାମ୍ନାକୁ ଆସିଛି। ଖାଇବା ପରେ ୫ ଟଙ୍କାର ପାଣି ପାଉଚ୍ର ମୂଲ୍ୟ ଦେଇ ନପାରିଥିବାରୁ ଇନ୍ଦୋର ପାଖରେ ଥିବା ସିମ୍ରୋଲର ଏକ ଢ଼ାବାରେ ଚାଷୀଙ୍କୁ ଢ଼ାବା ମାଲିକ ପିଟିପିଟି ହତ୍ୟା କରିଛନ୍ତି । ତେବେ ସ୍ଥାନୀୟ ପୁଲିସ ଘଟଣାର ତଦନ୍ତ କରୁଥିବା ବେଳେ ବ୍ୟବଚ୍ଛେଦର ରିପୋର୍ଟକୁ ଅପେକ୍ଷା କରିଛି ।
Sambad is now on WhatsApp
Join and get latest news updates delivered to you via WhatsApp
ଘଟଣା ଅନୁଯାୟୀ, ଢ଼ାବାରେ ଖାଦ୍ୟ ଖାଇବା ପରେ ଚାଷୀ ଧର୍ମେନ୍ଦ୍ର ସମସ୍ତ ବିଲ୍ ପୈଠ କରିବା ପରେ ୫ଟଙ୍କାର ପାଣି ପାଉଚ୍ କିଣିଥିଲେ ।ମାତ୍ର ଧର୍ମେନ୍ଦ୍ରଙ୍କ ପାଖରେ ଏହାର ମୂଲ୍ୟ ଦେବାକୁ ଟଙ୍କା ନଥିଲା । ଏହାକୁ ନେଇ ଉଭୟ ଚାଷୀ ଏବଂ ଢ଼ାବା ମାଲିକଙ୍କ ମଧ୍ୟରେ କଥାକଟାକଟି ହୋଇଥିଲା । ଏହା କ୍ରମଶଃ ବଢ଼ିବା ସହ ଶେଷକୁ ଢ଼ାବା ମାଲିକ ସତୀଶ ତାଙ୍କ ଭାଇମାନଙ୍କ ସହ ଧର୍ମେନ୍ଦ୍ରଙ୍କୁ ମାରପିଟ୍ କରିଥିଲେ । ଯାହାଫଳରେ ଘଟଣାସ୍ଥଳରେ ଚାଷୀ ଅଚେତ ହୋଇଯାଇଥିବା ସହ ତାଙ୍କୁ ଗମ୍ଭୀର ଅବସ୍ଥାରେ ଡ଼ାକ୍ତରଖାନାକୁ ନିଆଯାଇଥିଲା, ଯେଉଁଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାସ୍ଥଳରେ ପହଞ୍ଚିଥିବା ପୁଲିସ୍ ମୃତଶରୀରର ବ୍ୟବଛେଦ ପାଇଁ ତାଙ୍କୁ ସରକାରୀ ଡ଼ାକ୍ତରଖାନାକୁ ପଠାଯାଇଛି। ବର୍ତ୍ତମାନ ପର୍ଯ୍ୟନ୍ତ ଘଟଣାଟିର ତଦନ୍ତ ଚାଲୁ ରହିବା ସହ ବ୍ୟବଛେଦ ରିପୋର୍ଟ ପରେ ହିଁ ପୁଲିସ୍ କୌଣସି ପଦକ୍ଷେପ ନେବା ବୋଲ ି ସୂଚନା ପ୍ରଦାନ କରିଛି।