ହଟିଲେ ଅଭିଯୁକ୍ତ ଆଇପିଏସ, ନିଜ ପତ୍ନୀଙ୍କ ଅବୈଧ ସଂପର୍କର ଭିଡିଓ ଭାଇରାଲ କଲେ ଇଂଜିନିୟର

ବାଙ୍ଗାଲୁରୁ : କର୍ଣ୍ଣାଟକର ଜଣେ ଆଇପିଏସ ଅଫିସର ଜଣେ ବିବାହିତା ମହିଳାଙ୍କ ସହ ଅବୈଧ ସଂପର୍କ ରଖିବା ମାମଲା କ୍ରମଶଃ ଜଟିଳ ରୂପ ନେଉଛି । ଏହି ମାମଲାରେ ସଂପୃକ୍ତ ଆଇପିଏସ ଅଫିସର ତଥା ବାଙ୍ଗାଲୋର(ଗ୍ରାମୀଣ)ର ଏସପି ଭୀମଶଙ୍କର ଗୁଲେଦଙ୍କୁ ନିଜ ପଦବୀରୁ ହଟାଇଦିଆଯାଇଛି । ତାଙ୍କୁ ବର୍ତ୍ତମାନ ପାଇଁ କୌଣସି ଦାୟିତ୍ୱ ଦିଆଯାଇନାହିଁ ।

ଏହା ପୂର୍ବରୁ ବାଙ୍ଗାଲୋରର ଜଣେ ସଫ୍ଟଓ୍ଵାର ଇଂଜିନିୟରଙ୍କ ପତ୍ନୀଙ୍କ ସହ ତାଙ୍କର ଅବୈଧ ସଂପର୍କ ଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ନିଜେ ସଂପୃକ୍ତ ସଫ୍ଟଓ୍ଵାର ଇଂଜିନିୟର ତାଙ୍କର ଅଭିଯୋଗକୁ ପ୍ରମାଣିତ କରିବା ପାଇଁ ଏହି ଭିଡିଓକୁ ସୋସିଆଲ ମିଡିଆରେ ଅପଲୋଡ କରିଦେଇଥିଲେ । ତାଙ୍କ ଅଭିଯୋଗକୁ ଭିତ୍ତିକରି ଅଗୁଲେଦଙ୍କ ବିରୋଧରେ ଆଇପିସିର ଧାରା ୪୯୭ ( ଅବୈଧ ସଂପର୍କ) ଅନୁସାରେ ଏକ ମାମଲା ରୁଜ୍ଜୁ ହୋଇଛି । ଇଂଜିନିୟର ଜଣକ ଅଭିଯୋଗ ନେଇ କର୍ଣ୍ଣାଟକ ଡିିଜି ଓ ଏଡିଜିଙ୍କୁ ଭେଟିଥିଲେ ମଧ୍ୟ କୌଣସି ସୁଫଳ ମିଳିନାହିଁ ବୋଲି କହିଛନ୍ତି । ସେ କହିଛନ୍ତି ଏହି ସଂପର୍କକୁ ବିରୋଧ କରିବାରୁ ଆଇପିଏସ ଜଣକ ଏନକାଉଣ୍ଟରରେ ଉଡେଇଦେବାକୁ ଧମକ ଦେଇଛନ୍ତି ।

ଅନ୍ୟପକ୍ଷରେ ସଂପୃକ୍ତ ମହିଳା ଜଣକ ଅଭିଯୋଗ କରିଛନ୍ତି ଯେ ସେ ନିଜ ସ୍ୱାମୀଙ୍କ ସହିତ ଖୁସିନାହାନ୍ତି ଓ ତାଙ୍କ ସହ ରହିବାକୁ ଚାହୁଁନାହାନ୍ତି ।

ସମ୍ବନ୍ଧିତ ଖବର