ହାତ କାଟି ପ୍ରେମିକାକୁ ଶେଷ ଉପହାର ଭାବେ ରକ୍ତ ବୋତଲ ଭେଟି ଦେଲା ପ୍ରେମିକ, ଜାଣନ୍ତୁ କାରଣ
ଚେନ୍ନାଇ : ଚେନ୍ନାଇର ଜଣେ ଯୁବକ ମୃତ୍ୟୁ ପୂର୍ବରୁ କରିଥିବା ଅଜବ କାମ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଯୁବକ ନିଜ ହାତ କାଟିବା ସହ ରକ୍ତକୁ ଏକ ମଦ ବୋତଲରେ ଭରିଥିଲେ । ଏହାକୁ ପରେ ସେ ନିଜ ପ୍ରେମିକାକୁ ଶେଷ ଉପହାର ଆକାରରେ ଦେବା ଖବର ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ମୃତକଙ୍କ ନାଁ କୁମାରେସା ପାଣ୍ଡିଆନ୍ ବୋଲି ଜଣା ପଡ଼ିଥିବା ବେଳେ ସେ ବଢ଼େଇ କାମ କରୁଥିଲେ ବୋଲି ଜଣାପଡ଼ିଛି । ପ୍ରେମିକା କଥା ହେବା ବନ୍ଦ କରି ଦେବାରୁ କୁମାରେସା ଏଭଳି ପଦକ୍ଷେପ ନେଇଥିବା ନେଇ ସୂଚନା ମିଳିଛି । ଶଙ୍କର ନଗର ପୁଲିସ ଷ୍ଟେସନରେ ଏ ନେଇ ମାମଲା ରୁଜୁ କରାଯାଇଥିବା ବେଳେ ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
କୁମାରେସାଙ୍କ ବନ୍ଧୁ ମୁଥୁଙ୍କ କହିବା ଅନୁଯାୟୀ, କିଛି ବର୍ଷ ପ୍ରେମ ସଂପର୍କରେ ରହିବା ପରେ ହଠାତ୍ ତାଙ୍କ ପ୍ରେମିକା ସବୁ ସଂପର୍କ ଛିନ୍ନ କରିଦେବା କୁମାରେସାଙ୍କ ପାଇଁ ଅବିଶ୍ୱସନୀୟ ଥିଲା । ସୋସିଆଲ ମିଡିଆରୁ ବ୍ଲକ୍ କରିବା ସହ ଫୋନ ଉଠାଇବା ବନ୍ଦ କରି ଦେଇଥିଲେ କୁମାରେସାଙ୍କ ପ୍ରେମିକା । ଯାହାଦ୍ୱାରା ସେ ଧିରେ ଧିରେ ଅବସାଦଗ୍ରସ୍ତ ହେବାକୁ ଲାଗିଥିଲେ । ଘଟଣା ଦିନ ସେ ମୁଥୁଙ୍କୁ ମଦ ପିଇବାକୁ ଡ଼ାକିବା ସହ ମଦ ବୋତଲ ଭାଙ୍ଗି ନିଜ ହାତ କାଟିଥିଲେ । ମୁଥୁ ଏପରି କରିବାକୁ ରୋକିବାରୁ କୁମାରେସା ଭଙ୍ଗା ମଦ ବୋତଲ ଦେଖାଇ ତାଙ୍କୁ ଡ଼ରାଇଥିଲେ । ଏହା ସହ ବାହାରୁଥିବା ରକ୍ତକୁ ମଦ ବୋତଲରେ ରଖି ମୁଁ ଯିବା ପରେ ମୋ ପ୍ରେମିକାକୁ ଶେଷ ଉପହାର ଦେଇଦେବ ବୋଲି ମୁଥୁଙ୍କୁ କହିଥିଲେ କୁମାରେସା । ଅଚେତ ହେବା ପରେ କୁମାରେସାଙ୍କୁ ମୁଥୁ ଡାକ୍ତରଖାନା ନେଇଥିଲେ ମଧ୍ୟ ଡାକ୍ତରଙ୍କୁ ଚିକିତ୍ସା କରାଇବାକୁ ଦେଇ ନଥିଲେ କୁମାରେସା । ଫଳରେ କିଛି ସମୟ ପରେ ତାଙ୍କର ମୃତ୍ୟୁ ଘଟିଥିଲା ।